Husnabad: హుస్నాబాద్‌లో వ్యభిచార గుట్టురట్టు: ఇద్దరిపై కేసు

హుస్నాబాద్‌: హుస్నాబాద్ పట్టణంలోని కరీంనగర్ రోడ్డులో వ్యభిచార కార్యకలాపాలు నిర్వహిస్తున్నారనే సమాచారం మేరకు, హుస్నాబాద్ ఏసీపీ సదానందం ఆదేశాల మేరకు, హుస్నాబాద్ సీఐ శ్రీధర్ ఆధ్వర్యంలో హుస్నాబాద్ ఎస్ఐ పి. లక్ష్మారెడ్డి మరియు పోలీసు సిబ్బందితో కలిసి గత రాత్రి ప్రత్యేక తనిఖీలు నిర్వహించారు.

ఈ తనిఖీల్లో వ్యభిచార కార్యకలాపాలకు సంబంధం ఉన్న వ్యక్తులను గుర్తించి, నిర్వాహకురాలు కంసాని సుజాతతో పాటు విటుడిపై Immoral Traffic (Prevention) Act, 1956 (ITPA/PITA) లోని సంబంధిత సెక్షన్ల కింద కేసు నమోదు చేసి దర్యాప్తు చేపట్టారు.

ఈ సందర్భంగా ఏసీపీ సదానందం మాట్లాడుతూ వ్యభిచార కార్యకలాపాలను నిర్వహించడం, బ్రోతల్‌ను నిర్వహించడం లేదా నిర్వహణలో భాగస్వామ్యం కావడం, వ్యక్తులను వ్యభిచారంలోకి ప్రలోభపెట్టడం లేదా తీసుకురావడం వంటి చట్టవిరుద్ధ చర్యలకు పాల్పడే వారిపై చట్టప్రకారం చర్యలు తీసుకుంటామని తెలిపారు. చట్టంలోని నిబంధనలు వర్తించే పరిస్థితుల్లో విటులు, ఇతర సంబంధిత వ్యక్తులపై కూడా చర్యలు తీసుకుంటామని పేర్కొన్నారు.

హుస్నాబాద్ పట్టణంలో అసాంఘిక కార్యకలాపాలపై పోలీసుల నిఘా కొనసాగుతుందని, ఇలాంటి కార్యకలాపాల గురించి సమాచారం ఉంటే ప్రజలు పోలీసులకు తెలియజేయాలని ఏసీపీ సూచించారు.