Komuravelli: కొమురవెల్లి అన్నదాన సత్రంలో గబ్బిలాల కలకలం!

Komuravelli: సిద్దిపేట జిల్లా ప్రముఖ పుణ్యక్షేత్రమైన కొమురవెల్లి మల్లన్న ఆలయానికి వచ్చే భక్తులకు ఇబ్బందులు తప్పడం లేదు. కొమురవెల్లి దేవస్థాన అన్నదాన సత్రం వద్ద ఉన్న బాత్రూంలో గబ్బిలాలు కనిపించడంతో భక్తులు ఆందోళన వ్యక్తం చేస్తున్నారు.

భక్తుల సౌకర్యార్థం ఏర్పాటు చేసిన అన్నదాన సత్రం పరిసరాల్లో గబ్బిలాలు ఉండటంపై పలువురు అసహనం వ్యక్తం చేస్తున్నారు. భక్తుల ఆరోగ్యం, పరిశుభ్రత విషయంలో అధికారులు తగిన చర్యలు తీసుకోవాలని కోరుతున్నారు.

సంబంధిత అధికారులు వెంటనే స్పందించి బాత్రూంలను పరిశుభ్రం చేయడంతో పాటు, గబ్బిలాల సమస్యను పరిష్కరించి భక్తులకు ఇబ్బందులు లేకుండా చూడాలని భక్తులు కోరుతున్నారు.