Sakhinetipalli: నిరుపేద మహిళలకు అండగా జాన కుటుంబం.. చీరల పంపిణీ!

సఖినేటిపల్లి: సఖినేటిపల్లి మండలం మోరి గ్రామంలో మాజీ సర్పంచ్ జాన సత్యనారాయణ విజయలక్ష్మి జయంతిని పురస్కరించుకొని సేవాభావంతో చీరల పంపిణీ కార్యక్రమాన్ని నిర్వహించారు. జాన కుటుంబం ఆధ్వర్యంలో వైఎస్సార్‌సీపీ చేనేత విభాగం ప్రధాన కార్యదర్శి జాన శంకరరావు నేతృత్వంలో ఏర్పాటు చేసిన ఈ కార్యక్రమంలో నిరుపేద కుటుంబాలకు చెందిన 100 మంది మహిళలకు సుమారు రూ.50 వేల విలువైన చీరలను పంపిణీ చేశారు. పేద మహిళలకు ఆప్యాయతతో చేయూతనందిస్తూ, సేవా కార్యక్రమాల ద్వారా జయంతిని అర్థవంతంగా నిర్వహించడం విశేషంగా నిలిచింది.