Kajuluru: కాకినాడ జిల్లాలో క్షుద్ర పూజల కలకలం..భయాందోళనలో గ్రామస్తులు!
Kajuluru: కాజులూరు మండలం తిప్పరాజుపాలెంలో క్షుద్ర పూజల వ్యవహారం కలకలం. పాడుబడిన భవనంలో హోమం గుంట, కోడి రక్తం మరకలను గుర్తించిన యువకులు.
Kajuluru: కాకినాడ జిల్లాలో క్షుద్ర పూజల కలకలం..భయాందోళనలో గ్రామస్తులు!
Kajuluru: కాజులూరు మండలం తిప్పరాజుపాలెం గ్రామంలో గురువారం అర్ధరాత్రి క్షుద్ర పూజల వ్యవహారం తీవ్ర కలకలం రేపింది. గ్రామంలోని ఒక పాడుబడిన (పాత) భవనంలో చేతబడులు, క్షుద్ర పూజలు నిర్వహిస్తున్నట్లు స్థానిక యువకులు గుర్తించారు.
సినిమా చూసి తిరిగి వస్తున్న కొందరు యువకులకు పాడుబడిన భవనంలో వింత వెలుగులు, పూజల శబ్దాలు కనిపించాయి. అనుమానంతో వారు లోపలికి వెళ్లగా క్షుద్ర పూజలు జరుగుతున్న దృశ్యం కంటపడింది. యువకులు ఆ పూజలు చేస్తున్న వ్యక్తులను పట్టుకోవడానికి ప్రయత్నించగా, వారు చీకట్లోకి పరారయ్యారు.
సమాచారం అందుకున్న గ్రామస్తులు వెంటనే ఘటనా స్థలానికి చేరుకుని పరిశీలించారు. భవనంలో హోమం గొయ్యి, కోడి రక్తం మరకలు, వింత ముగ్గులు, పుల్లలు, పూలు మరియు ఇతర పూజా సామగ్రి ఉండటాన్ని గుర్తించారు.
తిప్పరాజుపాలెం గ్రామ శివారు అంచమచెరువుకు చెందిన గుమ్మడి నాగేశ్వరరావు అనే వ్యక్తి బయటి ప్రాంతాల నుంచి క్షుద్ర పూజకులను రప్పించి ఇక్కడ చేతబడులు చేయిస్తున్నాడని స్థానికులు తీవ్రంగా ఆరోపిస్తున్నారు.
