Razole: రాజోలు సీఐ కార్యాలయాన్ని ఆకస్మికంగా తనిఖీ చేసిన ఏలూరు రేంజ్ ఐజీ
Razole: కోనసీమ జిల్లా రాజోలు సీఐ కార్యాలయాన్ని ఏలూరు రేంజ్ ఐజీ జి.వి.జి. అశోక్ కుమార్, ఐపీఎస్ ఆకస్మికంగా తనిఖీ చేసి పెండింగ్ కేసులపై సమీక్షించారు.
Razole: రాజోలు సీఐ కార్యాలయాన్ని ఆకస్మికంగా తనిఖీ చేసిన ఏలూరు రేంజ్ ఐజీ
రాజోలు: డాక్టర్ బి.ఆర్. అంబేడ్కర్ కోనసీమ జిల్లా రాజోలు సర్కిల్ ఇన్‌స్పెక్టర్ కార్యాలయాన్ని ఏలూరు రేంజ్ ఐజీ జి.వి.జి. అశోక్ కుమార్, ఐపీఎస్ ఆకస్మికంగా సందర్శించి తనిఖీ చేశారు. ఈ సందర్భంగా కార్యాలయంలోని వివిధ విభాగాలను పరిశీలించి, పోలీస్ స్టేషన్ నిర్వహణ, రికార్డుల భద్రత, పెండింగ్ కేసుల పురోగతి తదితర అంశాలపై సమీక్షించారు.
ప్రజలకు నాణ్యమైన, సత్వర పోలీస్ సేవలు అందించాలని, శాంతిభద్రతల పరిరక్షణలో అధికారులు, సిబ్బంది నిరంతరం అప్రమత్తంగా ఉండాలని ఐజీ సూచించారు. విధి నిర్వహణలో బాధ్యతాయుతంగా వ్యవహరిస్తూ ప్రజల నమ్మకాన్ని పొందాలని ఆదేశించారు.
ఈ పర్యటనలో జిల్లా ఎస్పీ రాహుల్ మీనా, ఐపీఎస్, కొత్తపేట డీఎస్పీ ఎస్. మురళీమోహన్ తదితర పోలీస్ అధికారులు పాల్గొన్నారు.