Razole: రాజోలులో నాలుగు రోజులుగా నిలిచిన విద్యుత్ సరఫరా!
Razole: అర్నబ్ తుఫాన్ ధాటికి అతలాకుతలమైన రాజోలు దీవి. నాలుగు రోజులుగా చీకట్లోనే గ్రామాలు. విద్యుత్, మంచినీటి పునరుద్ధరణ పనుల్లో జాప్యంపై వెల్లువెత్తుతున్న ప్రజా ఆగ్రహం.
Razole: రాజోలులో నాలుగు రోజులుగా నిలిచిన విద్యుత్ సరఫరా!
Razole: అర్నబ్ తుఫాన్ సృష్టించిన బీభత్సం నుంచి రాజోలు దీవి ఇంకా తేరుకోలేదు. తుఫాన్ ధాటికి వేలాది విద్యుత్ స్తంభాలు నేలకొరిగాయి. విద్యుత్ తీగలు ఎక్కడికక్కడ తెగిపడి, గ్రామాలన్నీ చీకటిమయంగా మారాయి. ప్రకృతి ప్రకోపానికి విద్యుత్ వ్యవస్థ కుప్పకూలగా.. నాలుగు రోజులుగా విద్యుత్ వెలుగులు లేక ప్రజలు అంధకారంలోనే అవస్థలు పడుతున్నారు.
విద్యుత్ సరఫరా పునరుద్ధరణకు సిబ్బంది యుద్ధప్రాతిపదికన చర్యలు చేపడుతున్నట్లు చెబుతున్నప్పటికీ, క్షేత్రస్థాయిలో మాత్రం ఆశించిన పురోగతి కనిపించడం లేదనే విమర్శలు వెల్లువెత్తుతున్నాయి. ముఖ్యంగా గ్రామీణ ప్రాంతాల్లో పునరుద్ధరణ పనులు నత్తనడకన సాగుతుండటంతో ప్రజల సహనం నశిస్తోంది.
విద్యుత్ లేక తాగునీరు, గృహ అవసరాలు, రోజువారీ కార్యకలాపాలు తీవ్రంగా ప్రభావితమవుతున్నాయి. జనరేటర్లు అందుబాటులో ఉన్న కొందరు తమ అవసరాలను తీర్చుకుంటుండగా, సామాన్య ప్రజలు మాత్రం చీకటితో సహజీవనం చేయాల్సిన దుస్థితి నెలకొంది.
అర్నబ్ తుఫాన్ సృష్టించిన బీభత్సం నుంచి రాజోలు దీవి ఇంకా తేరుకోలేదు. తుఫాన్ ధాటికి వేలాది విద్యుత్ స్తంభాలు నేలకొరిగాయి. విద్యుత్ తీగలు ఎక్కడికక్కడ తెగిపడి, గ్రామాలన్నీ చీకటిమయంగా మారాయి.తుఫాన్ మిగిల్చిన నష్టాల నుంచి ప్రజలు ఇంకా కోలుకోకముందే, గురువారం మధ్యాహ్నం నుంచి కురుస్తున్న ఎడతెరిపిలేని వర్షాలు వారిని మరింత కలవరపెడుతున్నాయి. తుఫాన్ ప్రభావంతో నేలకొరిగిన భారీ వృక్షాలు పలుచోట్ల ఇంకా తొలగించకపోవడం, తాజాగా కురుస్తున్న వర్షాలతో పరిస్థితులు మరింత క్లిష్టంగా మారుతున్నాయి. ఎప్పుడు ఏ ప్రమాదం ముంచుకొస్తుందోనన్న ఆందోళన ప్రజలను వెంటాడుతోంది.
ప్రకృతి ప్రకోపం ఒకవైపు.. అధికారుల పునరుద్ధరణ చర్యల కోసం ఎదురుచూపులు మరోవైపు! నాలుగు రోజులుగా చీకట్లో మగ్గుతున్న ప్రజలకు విద్యుత్ వెలుగులు ఎప్పుడు అందుతాయన్న ప్రశ్నకు సమాధానం కరువైంది. ఇప్పటికైనా సంబంధిత అధికారులు స్పందించి క్షేత్రస్థాయిలో పరిస్థితులను సమీక్షించాలి. విద్యుత్ పునరుద్ధరణ పనులను వేగవంతం చేసి, నేలకొరిగిన వృక్షాలను తొలగించి, ప్రజలకు తక్షణ ఉపశమనం కల్పించాలని రాజోలు దీవి ప్రజలు కోరుతున్నారు.
