Chintoor: చింతూరు ఆర్ అండ్ ఆర్ ప్యాకేజీ ఆప్షన్లకు నవంబర్ 3 తుది గడువు!

చింతూరు: చింతూరు డివిజన్ పరిధిలోని ఫేజ్-1B గ్రామాలకు సంబంధించిన ఆర్ అండ్ ఆర్ ప్యాకేజీ కింద ఫైనల్ డ్రాఫ్ట్ అవార్డులలో నమోదైన నిర్వాసిత కుటుంబాలకు ఆప్షన్లు ఎంపిక చేసుకునేందుకు నవంబర్ 3 చివరి గడువుగా నిర్ణయించినట్లు చింతూరు ఐటీడీఏ ప్రాజెక్టు అధికారి మరియు ఆర్ అండ్ ఆర్ అధికారి చిట్టపులి నరేంద్ర పడాల్ తెలిపారు. 1వ, 2వ, 3వ విడతల్లో నమోదైన కుటుంబాలకు ఈ అవకాశం వర్తిస్తుందని, నాన్-ఎస్టీ పీడీఎఫ్‌లకు OTS మరియు స్వీయ గృహ నిర్మాణం, ఎస్టీ పీడీఎఫ్‌లకు OTS ఆప్షన్ ఉంటుందని ఆయన పేర్కొన్నారు. సంబంధిత లబ్ధిదారులందరూ ఈ తుది అవకాశాన్ని సద్వినియోగం చేసుకోవాలని సూచించారు.

ఎస్టీలకు పీసా తీర్మానం తప్పనిసరి

ఎస్టీ నిర్వాసిత కుటుంబాలు OTS ఆప్షన్ ఎంపిక చేసుకునే సమయంలో సంబంధిత పీసా గ్రామసభ తీర్మానాన్ని తప్పనిసరిగా సమర్పించాల్సి ఉంటుందని తెలిపారు.

పెండింగ్ పీడీఎఫ్‌లపై రీ-ఎంక్వైరీ

ఇప్పటివరకు అనర్హులుగా గుర్తించిన మరియు కొత్తగా చేర్చాల్సిన పీడీఎఫ్‌లకు సంబంధించి క్షేత్రస్థాయిలో మరోసారి సమగ్ర విచారణ నిర్వహించి, అర్హుల జాబితాను డిసెంబర్ 2026 చివరి నాటికి విడుదల చేస్తామని ప్రాజెక్టు అధికారి వెల్లడించారు.