Rajahmundry: యశోద హాస్పిటల్స్ సోమాజిగూడలో అత్యాధునిక శ్వాసకోశ, ఎక్మో వైద్య సేవలు!

Rajahmundry: నగరంలోని సోమాజిగూడ యశోద హాస్పిటల్స్ వైద్య రంగంలో సరికొత్త మైలురాయిని చేరుకుంది. అత్యంత సంక్లిష్టమైన శ్వాసకోశ వ్యాధులతో ప్రాణాపాయ స్థితిలో కొట్టుమిట్టాడుతున్న రోగులకు అత్యాధునిక సాంకేతికతతో కూడిన వైద్య సేవలు అందిస్తూ ప్రాణదాతగా నిలుస్తోంది.

ముఖ్యంగా ఊపిరితిత్తుల మార్పిడి, ఎక్మో, క్రిటికల్ కేర్ విభాగాల్లో అంతర్జాతీయ స్థాయి ప్రమాణాలతో కూడిన మౌలిక సదుపాయాలను సోమాజిగూడ యశోద హాస్పిటల్స్ అందుబాటులోకి తెచ్చింది. తీవ్రమైన ఊపిరితిత్తుల వైఫల్యం చెంది ఇక ప్రాణాలు దక్కవు అనుకున్న ఎంతో మంది రోగులకు ఇక్కడి వైద్య బృందం అత్యాధునిక వైద్య విధానాల ద్వారా పునర్జన్మ ప్రసాదిస్తోంది.

ఈ క్లిష్టమైన వైద్య ప్రక్రియల్లో కన్సల్టెంట్ ట్రాన్స్‌ప్లాంట్ పల్మనాలజిస్ట్ డాక్టర్ తపస్వి కృష్ణ కట్రగడ్డ అపారమైన అనుభవంతో విశేష సేవలందిస్తున్నారు. ఊపిరితిత్తుల సంబంధిత వ్యాధుల నిర్ధారణ, శస్త్రచికిత్సకు ముందు, శస్త్రచికిత్స తర్వాత రోగులకు అందించాల్సిన సంరక్షణలో డాక్టర్ తపస్వి కృష్ణ కట్రగడ్డ అత్యుత్తమ నైపుణ్యాన్ని ప్రదర్శిస్తున్నారు.

దేశవిదేశాల్లో ఈ రంగంలో సాధించిన అపార అనుభవం, వందలాది విజయవంతమైన మార్పిడి ఆపరేషన్లు సోమాజిగూడ యశోద హాస్పిటల్స్ వైద్య సేవలకు మరింత వన్నె తెస్తున్నాయి. అత్యంత అరుదైన కేసులను సైతం విజయవంతంగా పరిష్కరించి రోగులకు నాణ్యమైన జీవితాన్ని అందించడంలో డాక్టర్ తపస్వి కృష్ణ కట్రగడ్డ కీలక పాత్ర పోషిస్తున్నారు.

అదేవిధంగా సోమాజిగూడ యశోద హాస్పిటల్స్ చీఫ్ మెడికల్ సర్వీసెస్ డాక్టర్ వినీత్ ఐలాపురం పర్యవేక్షణలో హాస్పిటల్ యాజమాన్యం రోగులకు అత్యున్నత సౌకర్యాలు కల్పిస్తోంది.

వైద్య సేవల నిర్వహణ, రోగుల భద్రత, వివిధ విభాగాల వైద్యుల మధ్య కచ్చితమైన సమన్వయం సాధించడంలో డాక్టర్ వినీత్ ఐలాపురం అనుసరిస్తున్న విధానాలు సత్ఫలితాలను ఇస్తున్నాయి. నిపుణులైన వైద్యులు, అత్యుత్తమ సాంకేతికత కలయికతో సోమాజిగూడ యశోద హాస్పిటల్స్ దక్షిణ భారతదేశంలోనే శ్వాసకోశ వైద్య సేవలకు ప్రధాన కేంద్రంగా ఆవిర్భవించింది.

తాజాగా నిర్వహించిన ఈ వైద్య సేవల అవగాహన కార్యక్రమంలో ఆంధ్రప్రదేశ్ మార్కెటింగ్ మేనేజర్ బాల వీరభద్ర నల్లం, తూర్పు గోదావరి జిల్లా రాజమండ్రి అసిస్టెంట్ మార్కెటింగ్ మేనేజర్ ఎండి షరీఫ్ తదితరులు పాల్గొన్నారు. అత్యాధునిక వైద్య సేవలను అన్ని వర్గాల ప్రజలకు చేరువ చేయాలనే దృఢ సంకల్పంతో సోమాజిగూడ యశోద హాస్పిటల్స్ యాజమాన్యం నిరంతరం కృషి చేస్తోంది.