Razole: రాజోలు నియోజకవర్గంలో 285 MPTC నామినేషన్లు ఆమోదం!

రాజోలు: డాక్టర్‌ బి.ఆర్‌. అంబేడ్కర్‌ కోనసీమ జిల్లా రాజోలు నియోజకవర్గం లోని రాజోలు, మలికిపురం, సఖినేటిపల్లి మండలాల్లో 63 ఎంపీటీసీ స్థానాలకు దాఖలైన 285 నామినేషన్లను అధికారులు పరిశీలించి ఆమోదించారు. రాజోలు మండలంలో 20 స్థానాలకు 85, మలికిపురంలో 22 స్థానాలకు 96, సఖినేటిపల్లిలో 21 స్థానాలకు 104 నామినేషన్లు నమోదయ్యాయి. మూడు మండలాల్లో అత్యధికంగా సఖినేటిపల్లిలో నామినేషన్లు దాఖలయ్యాయి. ఈ నెల 27వ తేదీ వరకు నామినేషన్ల ఉపసంహరణకు గడువు ఉండటంతో, ఆ ప్రక్రియ ముగిసిన అనంతరం ఎన్నికల బరిలో నిలిచే అభ్యర్థుల సంఖ్యపై స్పష్టత రానుంది.