Ongole: ఒంగోలులో జనసేనకు షాక్.. వైఎస్సార్‌సీపీలోకి చేరికలు!

Ongole: ఒంగోలు నగరంలో జనసేన పార్టీ నుంచి పలువురు వైఎస్సార్ కాంగ్రెస్ పార్టీలో చేరారు. ఒంగోలులోని బండ్లమిట్ట ప్రాంతానికి చెందిన కావేటి రవి, మాజీ కార్పొరేటర్ ఇంతియాజ్‌తో పాటు సుమారు 20 మందిని ఒంగోలు వైఎస్సార్‌సీపీ ఇన్‌చార్జి చుండూరి రవిబాబు పార్టీలోకి ఆహ్వానించారు. ఈ సందర్భంగా పార్టీలో చేరిన వారికి చుండూరి రవిబాబు వైఎస్సార్‌సీపీ కండువాలు కప్పి సాదరంగా ఆహ్వానించారు. జనసేన నుంచి వైఎస్సార్‌సీపీలోకి పలువురు చేరడంతో ఒంగోలు నగర రాజకీయాల్లో ఈ పరిణామం ప్రాధాన్యత సంతరించుకుంది. ఈ కార్యక్రమంలో పార్టీ నాయకులు, కార్యకర్తలు పాల్గొన్నారు.