Markapuram: యర్రబాలెంలో బయటపడ్డ పురాతన లోహ గుండ్లు!

Markapuram: మార్కాపురం జిల్లా కంభం మండలంలోని యర్రబాలెం గ్రామంలో పురాతన ఇనుప గుండ్లు లభించాయి. ఇటీవల కురిసిన వర్షానికి గ్రామంలోని పురాతన బురుజు పైనుంచి మూడు రోజుల కిందట మట్టి పాత్ర కింద పడింది. గుండ్రని ఆకారంలో ఉన్న 56 గుండ్లు కిందపడ్డాయి.

వాటిని వజ్రాలుగా భావించి స్థానికులు రామాలయంలో భద్రపరిచారు. ఈ విషయం ఆదివారం పోలీసులకు తెలియడంతో రెవెన్యూ, పురావస్తు శాఖ వారితో కలిసి వాటిని పరిశీలించారు. పోలీసులు స్వాధీనం చేసుకున్నారు.

అల్యూమినియం మెటల్ కరిగించి గుండ్రంగా తయారు చేసి ఉండవచ్చని SI.శివకృష్ణారెడ్డి తెలిపారు. పరిశీలన నిమిత్తం నెల్లూరు పురావస్తు శాఖ అధికారులకు పంపించనున్నట్లు తెలిపారు.