Rapur: సీనియర్ జర్నలిస్టు రేవూరు వెంకటస్వామితో పాటు 30 కుటుంబాలు టీడీపీలో చేరిక!

Rapur: రాపూరు మండల రాజకీయాల్లో తెలుగుదేశం పార్టీకి మరో బలం చేకూరింది. సీనియర్ జర్నలిస్టు, మాజీ వార్డు సభ్యుడు రేవూరు వెంకటస్వామి తెలుగుదేశం పార్టీలో చేరారు. ఆయన ఆధ్వర్యంలో రాపూరు దళితవాడకు చెందిన వైసీపీ సానుభూతిపరులు, మద్దతుదారులైన సుమారు 30 కుటుంబాలు టీడీపీలో చేరాయి.

చెన్ను సోదరుల సమక్షంలో జరిగిన ఈ చేరికల కార్యక్రమం స్థానిక రాజకీయ వర్గాల్లో చర్చనీయాంశంగా మారింది. ఈ సందర్భంగా పార్టీలో చేరిన వారికి టీడీపీ నాయకుడు చెన్ను అశోక్‌రెడ్డి పార్టీ కండువాలు కప్పి సాదరంగా ఆహ్వానించారు.

కూటమి ప్రభుత్వం చేపడుతున్న సంక్షేమ, అభివృద్ధి కార్యక్రమాలను ప్రజల్లోకి తీసుకెళ్తూ పార్టీ బలోపేతానికి కృషి చేయాలని నాయకులు పిలుపునిచ్చారు. ఈ సందర్భంగా చెన్ను తిరుపాల్‌రెడ్డి, చెన్ను అశోక్‌రెడ్డి మాట్లాడుతూ, తెలుగుదేశం పార్టీలో చేరిన ప్రతి ఒక్కరికీ అండగా ఉంటామని, వారి సమస్యల పరిష్కారానికి కృషి చేస్తామని తెలిపారు. పార్టీ అభివృద్ధి కోసం సమష్టిగా పనిచేస్తూ ప్రజలకు మరింత చేరువ కావాలని సూచించారు.

రాజకీయాల్లో జర్నలిస్టు చేరికతో కొత్త సమీకరణాలు!

సమాజంలో ప్రజల సమస్యలను వెలుగులోకి తీసుకురావడంలో జర్నలిస్టుల పాత్ర కీలకం. ప్రజలతో ప్రత్యక్ష సంబంధాలు, స్థానిక సమస్యలపై అవగాహన, ప్రజాభిప్రాయాన్ని అర్థం చేసుకునే అనుభవం రాజకీయ రంగంలో ఉపయోగపడే అవకాశముంది.

సీనియర్ జర్నలిస్టు రేవూరు వెంకటస్వామి రాజకీయాల్లోకి రావడం ద్వారా ప్రజా సమస్యలను పార్టీ నాయకత్వం దృష్టికి తీసుకెళ్లడం తోపాటు, ప్రజలకు మరింత చేరువయ్యే అవకాశం ఉంటుంది.

ఆయన ఆధ్వర్యంలో వైసీపీ సానుభూతి పరులు, మద్దతుదారులైన 30 కుటుంబాలు టీడీపీలో చేరడం స్థానికంగా పార్టీ బలోపేతానికి దోహదపడవచ్చనే అభిప్రాయాలు వ్యక్తమవుతున్నాయి. ఈ కార్యక్రమంలో పార్టీ సీనియర్ నాయకులు నల్లవడ్ల వెంకటరమణా రెడ్డి, కొండ్లపూడి రాఘవరెడ్డి, యంయంటీ మధురెడ్డి, తిక్కమనేని ప్రసాద్ నాయుడు, మాలేపాటి వెంకటరమణారెడ్డి, కూనిపోగు కన్నయ్య, కూకటి పెంచలయ్య యాదవ్, జడ్పీటీసీ అభ్యర్థి మొలకల హరీష్ తదితరులు పాల్గొన్నారు.