Nellore: 50వ డివిజన్‌లో జోరందుకున్న వైఎస్సార్‌సీపీ ఎన్నికల ప్రచారం!
Nellore: కార్పొరేషన్ ఎన్నికల్లో వైఎస్సార్‌సీపీ ప్రచారం జోరందుకుంది. 50వ డివిజన్‌లో మేయర్ అభ్యర్థి ఆనం విజయకుమార్ రెడ్డి ఆధ్వర్యంలో అభ్యర్థి అనూష విస్తృత ప్రచారం చేపట్టారు.
Nellore: 50వ డివిజన్‌లో జోరందుకున్న వైఎస్సార్‌సీపీ ఎన్నికల ప్రచారం!
Nellore: నెల్లూరు నగర మున్సిపల్ కార్పొరేషన్ ఎన్నికల నేపథ్యంలో వైఎస్సార్ కాంగ్రెస్ పార్టీ ప్రచారం జోరందుకుంది. నగర మేయర్ అభ్యర్థి శ్రీ ఆనం విజయకుమార్ రెడ్డి ఆధ్వర్యంలో 50వ డివిజన్ వైఎస్సార్‌సీపీ కార్పొరేటర్ అభ్యర్థి ఎంబేటి అనూష (అడ్వకేట్) విస్తృతంగా ఎన్నికల ప్రచారం నిర్వహించారు.
నీలగిరి సంఘం, పొదలకూరు రోడ్డు బీఎస్ఎన్ఎల్ క్వార్టర్స్, అంబేద్కర్ నగర్, ప్రశాంతి నగర్, బ్రహ్మానందపురం, పోలీస్ గ్రౌండ్ తూర్పు వైపు ప్రాంతం, ఎస్పీ కార్యాలయం పరిసర ప్రాంతాలు, శాంతి నగర్‌లో ప్రచారం నిర్వహిస్తూ ప్రజలను కలుసుకున్నారు. ఈ సందర్భంగా పార్టీ నాయకులు, కార్యకర్తలు ప్రజలతో మమేకమై వైఎస్సార్‌సీపీ అభ్యర్థులకు మద్దతుగా ఓటు వేయాలని కోరారు.
ఈ ప్రచార కార్యక్రమంలో వైఎస్సార్‌సీపీ సీనియర్ నాయకులు మాలిరెడ్డి కోటారెడ్డి, వైఎస్సార్‌సీపీ రాష్ట్ర సేవాదళ్ మాజీ అధ్యక్షులు మాలెం సుధీర్ కుమార్ రెడ్డి, జిల్లా మహిళా విభాగం అధ్యక్షురాలు కాకుటూరు లక్ష్మీ సునంద రెడ్డి తదితరులు పాల్గొన్నారు.
ఈ సందర్భంగా నాయకులు మాట్లాడుతూ, రానున్న మున్సిపల్ కార్పొరేషన్ ఎన్నికల్లో 50వ డివిజన్ కార్పొరేటర్ అభ్యర్థి ఎంబేటి అనూషతో పాటు నగర మేయర్ అభ్యర్థి ఆనం విజయకుమార్ రెడ్డిని గెలిపించాలని ప్రజలను కోరారు. రెండు ఓట్లను ఫ్యాన్ గుర్తుపై వేసి అత్యధిక మెజారిటీతో వైఎస్సార్‌సీపీ అభ్యర్థులను గెలిపించాలని విజ్ఞప్తి చేశారు.
పార్టీ అభ్యర్థులకు ప్రజలు తమ అమూల్యమైన ఓటుతో మద్దతు తెలిపి విజయాన్ని అందించాలని నాయకులు కోరారు. ప్రచార కార్యక్రమంలో వైఎస్సార్‌సీపీ నాయకులు, కార్యకర్తలు, అభిమానులు పాల్గొన్నారు.
