Gudur: గూడూరు ఎస్‌కేఆర్ కళాశాలలో స్వర్ణాంధ్ర - స్వచ్ఛాంధ్ర

గూడూరు: ఎస్.కె.ఆర్. ప్రభుత్వ డిగ్రీ కళాశాలలో ఘనంగా స్వర్ణాంధ్ర - స్వచ్ఛ ఆంధ్ర కార్యక్రమంలో భాగంగా పరిశుభ్రత, పారిశుధ్యంపై ప్రత్యేక అవగాహన పారిశుధ్య కార్యక్రమాన్ని ఘనంగా నిర్వహించారు. ఈ కార్యక్రమానికి కళాశాల ప్రిన్సిపాల్ డా. కె. రామ్ ప్రసాద్ నాయకత్వం వహించారు.

కళాశాల వైస్ ప్రిన్సిపాల్ కిరణ్మయి, ఎస్. ఏ.ఎస్. ఏ. కో-ఆర్డినేటర్ డా. ఎ. వి. ప్రసాద్ ఆధ్వర్యంలో నిర్వహించిన ఈ కార్యక్రమంలో అధ్యాపకులు, అధ్యాపకేతర సిబ్బంది విద్యార్థులు అత్యంత ఉత్సాహంతో పాల్గొన్నారు.

పరిశుభ్రమైన వాతావరణం ఆరోగ్యం మేధో వికాసానికి ఎంతగానో దోహదపడుతుందని, ప్రతి ఒక్కరూ తమ పరిసరాలను పరిశుభ్రంగా ఉంచుకోవాలని ఈ సందర్భంగా వక్తలు పిలుపునిచ్చారు. అనంతరం ప్రిన్సిపాల్ ,సిబ్బంది , విద్యార్థులు కలిసి కళాశాల క్యాంపస్ లో శ్రమదానం చేసి పిచ్చి మొక్కలు, చెత్తాచెదారాన్ని తొలగించి పారిశుధ్య పనులు చేపట్టారు.

విద్యార్థులు తమ తరగతి గదులను, ప్రయోగశాలలను శుభ్రం చేశారు, జెకెసి ల్యాబ్లో విద్యార్థులు ఇ-వ్యర్థాలను నిర్వహించారు. కార్యక్రమం ముగింపులో, పరిసరాల పరిశుభ్రతను నిరంతరం కాపాడుకుంటామని మరియు "స్వచ్ఛ ఆంధ్ర" లక్ష్య సాధనకు కృషి చేస్తామని కళాశాల అధ్యాపకులు, సిబ్బంది మరియు విద్యార్థులందరూ కలిసి "స్వచ్ఛ ఆంధ్ర ప్రతిజ్ఞ" చేశారు.