Nellore: సర్వేపల్లిలో కూటమి అభ్యర్థుల ప్రచారం: సోమిరెడ్డి పిలుపు!

నెల్లూరు: నెల్లూరు జిల్లా సర్వేపల్లి నియోజకవర్గం ​ముత్తుకూరు మండలం పిడతపోలూరు, బ్రహ్మదేవంలో నిర్వహించిన స్థానిక సంస్థల ఎన్నికల ప్రచార కార్యక్రమంలో పాల్గొన్న సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి. ఈ సందర్భంగా సోమిరెడ్డి మాట్లాడుతూ ​స్థానిక సంస్థల ఎన్నికల్లో కూటమి తరఫున నిలబడిన అభ్యర్థుల గుణగణాలు, వారు చేసిన సేవా కార్యక్రమాలను చూసి ప్రజలు ఓటు వేయాలని డిమాండ్ చేశారు.

​కూటమి ప్రభుత్వం అధికారంలోకి వచ్చిన తర్వాత చంద్రబాబు నాయుడు, పవన్ కళ్యాణ్, నారా లోకేష్, మోదీల నాయకత్వంలో సంక్షేమ పథకాలు, అభివృద్ధి కార్యక్రమాలు నిరంతరం అమలవుతున్నాయని అన్నారు. ​స్థానిక సంస్థల నిధులు పూర్తిగా పంచాయతీలు, మండల పరిషత్‌లు, జిల్లా పరిషత్‌లకే అందేలా పవన్ కళ్యాణ్ స్పష్టమైన హామీ ఇచ్చారని ​నియోజకవర్గంలో వ్యవసాయం కోసం త్రీ-ఫేస్ విద్యుత్‌కు రూ. 110 కోట్లు, ఎస్సీ, ఎస్టీలకు సోలార్ పంపుసెట్ల కోసం రూ. 55 కోట్లు, రక్షిత తాగునీటి పథకాల కోసం రూ. 100 కోట్లకు పైగా నిధులు కేటాయించామని,

​గతంలో వ్యవసాయ శాఖ మంత్రిగా ఉన్న సమయంలో సర్వేపల్లి నియోజకవర్గంలో 7,000 ఎకరాలకు పైగా, మొత్తం రాష్ట్రంలో 70,000 ఎకరాలకు పైగా సీజేఎఫ్‌ఎస్ భూములకు డీకేటీ పట్టాలు ఇప్పించి రైతులకు హక్కులు కల్పించామని అన్నారు. ​బ్రహ్మదేవం - జెన్కో రోడ్ సెంటర్‌లో సీఎస్సార్ (CSR) నిధుల ద్వారా సుమారు రూ. 4.5 కోట్లతో సీహెచ్‌సీ (CHC) స్థాయి అత్యాధునిక ఆసుపత్రి భవన నిర్మాణాన్ని చేపడుతున్నామని, అలాగే ​విద్యార్థినుల కోసం గతంలో 1,800 సైకిళ్లు అందించామని, ఈ ఏడాది మరో 2,000 సైకిళ్లు పంపిణీ చేయబోతున్నామని స్పష్టం చేశారు.

​గత వైసీపీ పాలనలో గిరిజనులు, పేదల భూములను తక్కువ ధరకు లాక్కొని, మట్టి తవ్వి అమ్ముకుంటూ రొయ్యల గుంతలుగా మార్చారన సోమిరెడ్డి ఆరోపించారు. ​పల్లిపాటిదిబ్బలో నకిలీ గోవా మద్యం తాగి అమాయక ప్రజలు ప్రాణాలు కోల్పోయారని, ఆ కేసుల్లో చిక్కుకున్న వారు తీవ్ర ఇబ్బందులు పడ్డారని గుర్తుచేశారు. ​పేదల భూములు ఆక్రమించి అక్రమాలకు పాల్పడిన వారికి కాకుండా, ప్రజా సంక్షేమం కోసం పాటుపడే కూటమి అభ్యర్థులకే ప్రజలు ఓటు వేసి గెలిపించాలని సోమిరెడ్డి చంద్రమోహన్‌రెడ్డి పిలుపునిచ్చారు.ఈ కార్యక్రమంలో ముత్తుకూరు మండల అధ్యక్షుడు మల్లికార్జున యాదవ్ తెలుగుదేశం నాయకులు కార్యకర్తలు పాల్గొన్నారు.