Gudur: గూడూరు మున్సిపల్ చైర్మన్ పీఠం ఎస్టీ మహిళకు రిజర్వ్!

Gudur: నెల్లూరు జిల్లా గూడూరు మున్సిపాలిటీ రాజకీయాల్లో సంచలన పరిణామం చోటు చేసుకుంది. గూడూరు మున్సిపల్ చైర్మన్ పీఠాన్ని ప్రభుత్వం ఎస్టీ మహిళకు రిజర్వ్ చేస్తూ నిర్ణయం తీసుకుంది. ఈ నిర్ణయంతో గూడూరులో రాజకీయ సమీకరణాలు పూర్తిగా మారిపోనున్నాయి.రాష్ట్రంలోని మున్సిపాలిటీల చైర్మన్ల రిజర్వేషన్లను ప్రభుత్వం ఖరారు చేస్తూ జీవో విడుదల చేసింది. ఇందులో నెల్లూరు జిల్లా గూడూరు మున్సిపాలిటీ చైర్మన్ పీఠం ఎస్టీ మహిళకు కేటాయించారు.

గూడూరు మున్సిపాలిటీ చరిత్రలో ఇదే తొలిసారి ఎస్టీ మహిళకు చైర్మన్ పీఠం దక్కడం. గతంలో ఈ పీఠం జనరల్, బీసీలకు కేటాయించబడింది.గూడూరు మున్సిపాలిటీలో ఎస్టీ జనాభా ప్రాతిపదికన, రొటేషన్ విధానంలో ఈ సారి ఎస్టీ మహిళకు అవకాశం కల్పించారు. దీంతో గూడూరు మున్సిపల్ పరిధిలోని ఎస్టీ మహిళా కార్పొరేటర్లు, నాయకురాళ్లు ఇప్పుడు చైర్మన్ రేసులోకి వచ్చారు.అయితే ఈ నిర్ణయం కొందరికి షాక్ ఇచ్చింది.

ఇన్నాళ్లు చైర్మన్ పీఠంపై ఆశలు పెట్టుకున్న సీనియర్ నేతలు, జనరల్ కేటగిరీ నాయకులు ఇప్పుడు పోటీ నుండి తప్పుకోవాల్సి వస్తోంది. అధికార కూటమిలోనే చైర్మన్ పీఠం కోసం పోటీ పడుతున్న నేతలకు ఇది పెద్ద ఎదురుదెబ్బ అని చెప్పాలి.ప్రస్తుతం గూడూరు మున్సిపాలిటీలో 36 వార్డులు ఉన్నాయి. రానున్న మున్సిపల్ ఎన్నికల్లో ఎస్టీ మహిళా అభ్యర్థిని బరిలోకి దింపేందుకు అన్ని పార్టీలు ఇప్పటి నుండే కసరత్తు మొదలుపెట్టాయి. ఎవరిని చైర్మన్ అభ్యర్థిగా ప్రకటిస్తారనేది ఇప్పుడు హాట్ టాపిక్ గా మారింది.ఈ రిజర్వేషన్ పై అధికారికంగా మున్సిపల్ కమిషనర్ కార్యాలయం నుండి కూడా ప్రకటన రావాల్సి ఉంది.