Nalgonda: నల్లగొండ క్లాక్ టవర్ సుందరీకరణకు రూ. 197.44 కోట్లు

నల్లగొండ: నల్లగొండ మున్సిపల్ కార్పొరేషన్ అభివృద్ధిలో మరో కీలక అడుగు పడింది. క్లాక్ టవర్ సెంటర్ సుందరీకరణకు రూ. 197.44 కోట్లు మంజూరయ్యాయి. ఇందులో ప్రపంచ బ్యాంకు రూ. 138.21 కోట్లు, రాష్ట్ర ప్రభుత్వం రూ. 59.23 కోట్లు కేటాయించాయి. ​పాత ఆర్ అండ్ బి కార్యాలయ స్థలంలో అధునాతన రీతిలో కమర్షియల్ కాంప్లెక్స్, మల్టీప్లెక్స్ నిర్మించనున్నారు.

శనివారం కార్పొరేషన్ కార్యాలయంలో ఈ అభివృద్ధి పనుల లోగోను మేయర్ బుర్రి చైతన్య శ్రీనివాసరెడ్డి, డిప్యూటీ మేయర్ మహమ్మద్ అష్రఫ్ అలీ అమేర్‌లతో కలసి ఆవిష్కరించారు. ఈ సందర్భంగా నిధులు కేటాయించిన సీఎం రేవంత్ రెడ్డికి, మంత్రి కోమటిరెడ్డి వెంకటరెడ్డికి మేయర్ ప్రత్యేక ధన్యవాదాలు తెలిపారు.