Suryapet: సూర్యాపేటలో ఉక్కు మహిళ ఇందిరా గాంధీకి ఘన నివాళులు!
Suryapet: సూర్యాపేటలో గురువారం కుమ్మరికుంట్ల వేణుగోపాల్ ఆధ్వర్యంలో ఇందిరా గాంధీ చిత్రపటానికి రాంరెడ్డి సర్వోత్తమ్ రెడ్డి, పోతు భాస్కర్, నివేదిత నివాళులర్పించారు.
Suryapet: సూర్యాపేటలో ఉక్కు మహిళ ఇందిరా గాంధీకి ఘన నివాళులు!
సూర్యాపేట: భారత మాజీ ప్రధాని, ఉక్కు మహిళ దివంగత శ్రీమతి ఇందిరా గాంధీ జయంతి సందర్భంగా సూర్యాపేటలో ఘనంగా నివాళులు అర్పించారు. మున్సిపల్ ఫ్లోర్ లీడర్ కుమ్మరికుంట్ల వేణుగోపాల్ ఆధ్వర్యంలో నిర్వహించిన కార్యక్రమంలో ఆమె చిత్రపటానికి పుష్పాంజలి ఘటించారు.
ఈ కార్యక్రమంలో నల్లగొండ-ఖమ్మం-వరంగల్ పట్టభద్రుల శాసనమండలి కాంగ్రెస్ పార్టీ అభ్యర్థి రాంరెడ్డి సర్వోత్తమ్ రెడ్డి, రాష్ట్ర కాంగ్రెస్ సీనియర్ నాయకులు పోతు భాస్కర్, మున్సిపల్ చైర్పర్సన్ మొరిశెట్టి నివేదిత లక్షాది పాల్గొన్నారు.
ఈ సందర్భంగా ఇందిరాగాంధీ దేశ సేవ, పేదల సంక్షేమం, దేశ అభివృద్ధి కోసం ఆమె తీసుకున్న కీలక నిర్ణయాలు, ప్రజాస్వామ్య విలువల పట్ల ఆమె నిబద్ధతను స్మరించుకున్నారు.
ముఖ్యమంత్రి రేవంత్ రెడ్డి నాయకత్వంలోని తెలంగాణ ప్రజా ప్రభుత్వం చేయూత పెన్షన్లు, ప్రతి కుటుంబానికి రూ.5 లక్షల ఇందిరమ్మ కుటుంబ జీవిత బీమా, ఇందిరమ్మ ఇళ్ల పథకం వంటి సంక్షేమ కార్యక్రమాల ద్వారా పేదల అభ్యున్నతికి కృషి చేస్తోందని పేర్కొన్నారు.
ఇందిరాగాంధీ ఆశయాలను కొనసాగిస్తూ పేదల సంక్షేమం, దేశ అభివృద్ధికి కృషి చేయడమే ఆమెకు అందించే నిజమైన నివాళి అని అన్నారు.




