Miryalaguda: మిర్యాలగూడలో తూనికల శాఖ దాడులు

మిర్యాలగూడ: మిర్యాలగూడ పట్టణంలోని రైస్ మిల్లులు, బియ్యం దుకాణాల్లో తూనికలు, కొలతల శాఖ అధికారులు ఆకస్మిక తనిఖీలు చేపట్టారు. నల్గొండ లీగల్ మెట్రాలజీ అసిస్టెంట్ కంట్రోలర్ పర్యవేక్షణలో జిల్లా అధికారి ఈ దాడులు నిర్వహించారు. నిబంధనలు ఉల్లంఘించిన 5 రైస్ మిల్లులు, 3 రిటైల్ షాపులపై మొత్తం 8 కేసులు నమోదు చేశారు.

బస్తాలపై తెలిపిన నికర బరువు ఉందో లేదో సరిచూసుకోవాలని, తారా బరువు (సంచి బరువు) మినహాయించి బియ్యం తూకాన్ని నిర్ధారించుకోవాలని వినియోగదారులకు సూచించారు. ప్యాకేజ్డ్ కమోడిటీస్ నిబంధనలు దాటితే కఠిన చర్యలు తప్పవని వ్యాపారులను హెచ్చరించారు.