Kattamguru: ఎంపీడీఓ కార్యాలయంలో ప్రోటోకాల్ వివాదం - నిలిచిన పెన్షన్లు
Kattamguru: నల్గొండ జిల్లా కట్టంగూరు ఎంపీడీఓ కార్యాలయంలో సర్పంచ్ను విస్మరించి ఉప సర్పంచ్ పెన్షన్ పత్రాలు ఇవ్వడంతో చెలరేగిన ప్రోటోకాల్ వివాదం కారణంగా పంపిణీ నిలిచిపోయింది.
Kattamguru: ఎంపీడీఓ కార్యాలయంలో ప్రోటోకాల్ వివాదం - నిలిచిన పెన్షన్లు
కట్టంగూరు: కట్టంగూరు మండల కేంద్రంలో MPDO ఆఫీసులో జరిగిన నూతన పింఛన్ల ఉత్తర్వుల పంపిణీ కార్యక్రమంలో , ప్రోటోకాల్ వివాదం తీవ్ర ఉద్రిక్తతకు తలెత్తింది. వేదికపై మహిళా సర్పంచ్ పక్కనే ఉన్నప్పటికీ, ఆమెను పూర్తిగా విస్మరించి ఉప సర్పంచ్ లబ్ధిదారులకు పింఛన్ ఆర్డర్ కాపీలను అందజేయడం తీవ్ర వివాదానికి దారితీసింది.
సర్పంచ్ అక్కడే ఉన్నప్పటికీ పంచాయతీ కార్యదర్శి నిబంధనలకు విరుద్ధంగా వ్యవహరిస్తూ ఉప సర్పంచ్కు సహకరించడం స్థానికంగా చర్చనీయాంశమైంది. ఈ ప్రోటోకాల్ వివాదం సర్పంచ్, ఉప సర్పంచ్ల మధ్య తీవ్ర వాగ్వాదానికి మరియు ఘర్షణకు దారితీసింది.
వివాదం మరింత ముదరడంతో పంపిణీ చేయాల్సిన ఆర్డర్ కాపీలను నిలిపివేశారు. ప్రోటోకాల్ వివాదాల మధ్య తమ పేర్లపై వచ్చిన పింఛన్ ఆర్డర్లను ఆపడం వల్ల తమ పొట్ట కొట్టి అన్యాయం చేయవద్దని లబ్ధిదారులు తీవ్ర ఆవేదన వ్యక్తం చేశారు..




