Huzurnagar: హుజూర్ నగర్‌లో అంగరంగ వైభవంగా విజయదశమి శమీ పూజా కార్యక్రమం
Huzurnagar: హుజూర్‌నగర్‌లో శ్రీ వేణుగోపాల సీతారామచంద్రస్వామి దేవస్థానం ఆధ్వర్యంలో అంగరంగ వైభవంగా శమీ పూజలు. భారీగా తరలివచ్చిన భక్తులు, ప్రముఖులు.
Huzurnagar: హుజూర్ నగర్‌లో అంగరంగ వైభవంగా విజయదశమి శమీ పూజా కార్యక్రమం
హుజూర్నగర్: స్థానిక శ్రీ వేణుగోపాల సీతారామచంద్రస్వామి దేవస్థానం ఆధ్వర్యంలో విజయదశమి పర్వదినాన్ని పురస్కరించుకొని, ప్రతి సంవత్సరం నిర్వహించే సంప్రదాయాన్ని కొనసాగిస్తూ ఈ సంవత్సరం కూడా హుజూర్నగర్ పట్టణంలోని హైస్కూల్ గ్రౌండ్‌లో శమీ పూజా కార్యక్రమాన్ని అత్యంత వైభవంగా నిర్వహించారు.
విజయదశమి పర్వదినం సందర్భంగా నిర్వహించిన ఈ శమీ పూజా కార్యక్రమానికి భక్తులు పెద్ద సంఖ్యలో తరలివచ్చారు. ఈసారి ఊహించని రీతిలో భక్తుల హాజరు పెరగడంతో కార్యక్రమ ప్రాంగణం ఆధ్యాత్మిక సందడితో కళకళలాడింది. పట్టణ ప్రముఖులు, మీడియా మిత్రులు, మహిళలు, యువతతో పాటు వివిధ వర్గాలకు చెందిన భక్తులు అధిక సంఖ్యలో పాల్గొని కార్యక్రమాన్ని విజయవంతం చేశారు.
ఈ సందర్భంగా భక్తులు శమీ వృక్షానికి పూజలు నిర్వహించి, తమ కుటుంబాలు సుఖసంతోషాలతో ఉండాలని, సమాజంలో శాంతి, సౌభాగ్యాలు వెల్లివిరియాలని, అందరికీ విజయాలు చేకూరాలని స్వామివారిని ప్రార్థించారు. భక్తుల రాకతో హైస్కూల్ గ్రౌండ్‌లో పండుగ వాతావరణం నెలకొంది. భక్తులందరూ ఉత్సాహంగా పాల్గొనడంతో శమీ పూజా కార్యక్రమం విజయవంతంగా ముగిసింది.
ఈ కార్యక్రమంలో దేవస్థాన కార్యనిర్వహణాధికారి శ్రీ శరత్ చంద్ర, అనువంశిక ధర్మకర్తలు, స్థానాచార్యులు, అర్చకులు పాల్గొని కార్యక్రమాన్ని పర్యవేక్షించారు. అలాగే మున్సిపల్ చైర్మన్ శ్రీ దొంతగాని శ్రీనివాస్ గారు, శ్రీ సంపత్ రెడ్డి గారు, శ్రీ కోట సూర్యప్రకాష్ రావు గారు, శ్రీ హరిబాబు గారు, శ్రీ కల్వకొలను ప్రసాద్ గారితో పాటు పలువురు పట్టణ ప్రముఖులు, ప్రజాప్రతినిధులు, మీడియా మిత్రులు, మహిళలు, భక్తులు పాల్గొన్నారు.
