Huzurnagar: హుజూర్నగర్ ముదిరాజ్ బజార్‌లో వృద్ధురాలు దారుణ హత్య!
Huzurnagar: సూర్యాపేట జిల్లా హుజూర్నగర్ ముదిరాజ్ బజార్‌లో వృద్ధురాలు మామిడి రాములమ్మ దారుణ హత్య. 4 తులాల బంగారం దోపిడీపై పోలీసుల దర్యాప్తు ముమ్మరం.
Huzurnagar: హుజూర్నగర్ ముదిరాజ్ బజార్‌లో వృద్ధురాలు దారుణ హత్య!
Huzurnagar: సూర్యాపేట జిల్లా హుజూర్నగర్ పట్టణంలోని ముదిరాజ్ బజార్‌లో మహిళ దారుణ హత్యకు గురైన ఘటన స్థానికంగా కలకలం రేపింది. మామిడి రాములమ్మ(65) అనే మహిళను గుర్తుతెలియని వ్యక్తులు హత్య చేసి, ఆమె ఒంటిపై ఉన్న బంగారు ఆభరణాలను అపహరించినట్లు ప్రాథమికంగా తెలుస్తోంది.
మహిళ ఒంటిపై ఉన్న సుమారు నాలుగు తులాల వరకు బంగారు ఆభరణాలు చోరీకి గురైనట్లు అంచనా వేస్తున్నారు. ఈ ఘటన వెనుక దోపిడీ కోణం ఉందా? లేక మరేదైనా కారణం ఉందా? అనే విషయాలు పోలీసుల దర్యాప్తులో తేలాల్సి ఉంది.
సమాచారం అందుకున్న హుజూర్నగర్ ఎస్‌ఐ నరేష్ పోలీస్ సిబ్బందితో కలిసి ఘటనపై దర్యాప్తు ప్రారంభించారు. కేసు నమోదు చేసి, హత్యకు గల కారణాలు, నిందితుల ఆచూకీ తెలుసుకునేందుకు విచారణ చేపట్టారు.
పట్టణంలోని రద్దీ ప్రాంతమైన ముదిరాజ్ బజార్‌లో ఈ ఘటన చోటుచేసుకోవడంతో స్థానికులు ఆందోళన వ్యక్తం చేస్తున్నారు. నిందితులను త్వరితగతిన గుర్తించి, చట్టపరమైన చర్యలు తీసుకోవాలని స్థానికులు కోరుతున్నారు. హత్యకు గల అసలు కారణాలు, బంగారు ఆభరణాల చోరీ వెనుక ఉన్నవారి వివరాలు పోలీసుల దర్యాప్తులో వెల్లడికావాల్సి ఉంది.
