Prabhas: ప్రభాస్ బర్త్‌ డే స్పెషల్.. ఫౌజీ టీజర్ కాదు.. అంతకమించి.!

Prabhas: పాన్ ఇండియా స్టార్ ప్రభాస్ బర్త్‌డే వస్తోందంటే చాలు సోషల్ మీడియాలో అభిమానుల సందడి తారాస్థాయికి చేరుకుంటుంది. ఆయన నటించే ప్రతి కొత్త సినిమాకు సంబంధించిన అప్‌డేట్లు ఆ ప్రత్యేక రోజున విడుదలవుతాయని అభిమానులు ఎంతో ఆశగా ఎదురుచూస్తుంటారు. ఈ నేపథ్యంలో ప్రభాస్ హీరోగా నటిస్తున్న తాజా చిత్రం 'ఫౌజీ'కి సంబంధించి నిర్మాత నవీన్ ఇటీవల వెల్లడించిన కొన్ని ఆసక్తికరమైన విషయాలు ప్రస్తుతం సినీ వర్గాలలో తీవ్ర చర్చనీయాంశంగా మారాయి.

డార్లింగ్ ప్రభాస్ బర్త్‌డే సందర్భంగా ఈ నెల 23వ తేదీన 'ఫౌజీ' సినిమా టీజర్ విడుదలవుతుందని ఆశించిన ఫ్యాన్స్‌కు నిర్మాత నవీన్ బ్యాడ్ న్యూస్ చెప్పారు. ప్రభాస్ బర్త్ డే సందర్భంగా సినిమా టీజర్ విడుదల చేయడం లేదని ఆయన స్పష్టంగా తేల్చిచెప్పారు. అయితే అభిమానులు పూర్తిగా నిరాశ చెందాల్సిన అవసరం లేదని, సినిమాకు సంబంధించిన వేరే ఏదైనా సంచలన ఇంట్రెస్టింగ్ కంటెంట్‌ను మాత్రం విడుదల చేస్తామని ఆయన తెలిపారు. ఈ కొత్త కంటెంట్ సినిమాపై అంచనాలను మరింత పెంచుతుందని ఆయన ధీమా వ్యక్తం చేశారు.

అయితే మేకర్స్ తీసుకున్న ఈ నిర్ణయంపట్ల ఫ్యాన్స్ మాత్రం కొంత నిరాశ చెందుతున్నారు. పుట్టినరోజు కానుకగా కచ్చితంగా టీజర్ లేదా గ్లింప్స్ విడుదల చేయాలని వారు సోషల్ మీడియా వేదికగా మేకర్స్‌ను గట్టిగా కోరుకుంటున్నారు. భారీ బడ్జెట్‌తో తెరకెక్కుతున్న ఈ చారిత్రక నేపథ్య సినిమాపై అంచనాలు తారస్థాయిలో ఉన్నందున ప్రమోషన్స్ విషయంలో ప్రత్యేక శ్రద్ధ తీసుకోవాలని అభిమానులు అభిప్రాయపడుతున్నారు. అయినప్పటికీ చిత్ర యూనిట్ ప్లాన్ చేసిన సర్‌ప్రైజ్ కంటెంట్ ఎలాంటి అనుభూతిని ఇస్తుందనేది ఆసక్తికరంగా మారింది.

సినిమాల పరంగా ప్రభాస్ వరుస పాన్ ఇండియా ప్రాజెక్ట్‌లతో అత్యంత బిజీగా గడుపుతున్నారు. ఆయన నటిస్తున్న ప్రతి సినిమా బాక్సాఫీస్ వద్ద సంచలన రికార్డులను సృష్టిస్తుండటంతో ఈ చిత్రంపై కూడా భారీ అంచనాలు నెలకొన్నాయి.