Patancheru: విద్యార్థుల నైపుణ్యాభివృద్ధికి పెద్దపీట వేస్తున్న గీతం!
Patancheru: పటాన్ చెరు గీతం వర్సిటీలో విద్యార్థుల నైపుణ్యాభివృద్ధి, కెరీర్ మార్గదర్శకత్వం కోసం ప్రత్యేక విభాగాలను బలోపేతం చేసినట్లు టీఎంసీజీ డైరెక్టర్ డాక్టర్ రోజీనా తెలిపారు.
Patancheru: విద్యార్థుల నైపుణ్యాభివృద్ధికి పెద్దపీట వేస్తున్న గీతం!
Patancheru: రోజురోజుకూ మారిపోతున్న సాంకేతికతకు అనుగుణంగా విద్యార్థులను తీర్చిదిద్ది, భవిష్యత్తు అవసరాలకు అనుగుణంగా తర్ఫీదు ఇచ్చి, వారి నైపుణ్యాభివృద్ధికి గీతం డీమ్డ్ విశ్వవిద్యాలయం పెద్దపీట వేస్తోంది. గీతం వృత్తి సలహా కేంద్రం (జీసీజీసీ)లోని శిక్షణ, మార్గదర్శకత్వం, వృత్తి సలహాల (టీఎంసీజీ) విభాగం కింద తన విద్యార్థి సహాయక సేవలను మరింత బలోపేతం చేసింది. ఇప్పుడు ప్రత్యేక బృందాలు శిక్షణ, మెంటరింగ్, ప్రత్యామ్నాయ కెరీర్ మార్గదర్శకత్వాన్ని నిర్వహిస్తున్నాయి.
గీతం మూడు ప్రాంగణాలలో ప్రత్యేక సంప్రదింపు వ్యక్తులను నియమించడం ద్వారా కేంద్ర శిక్షణ, మార్గదర్శకత్వం, వృత్తి సలహాల బృందాన్ని బలోపేతం చేస్తున్నామని, తద్వారా విద్యార్థులు వారి విద్యా, వృత్తి ప్రయాణంలోని ప్రతి దశలో స్థిరమైన, సుసంఘటిత మద్దతును పొందేలా చూస్తున్నట్టు టీఎంసీజీ డైరెక్టర్ డాక్టర్ రోజీనా మాథ్యూ వెల్లడించారు.
శిక్షణ, సామర్థ్య అభివృద్ధి (టీసీడీ) విభాగం, కంపెనీ-నిర్దిష్ట శిక్షణ, గ్లోబల్ సర్టిఫికేషన్లు, ఏఐ-ఆధారిత ప్రాక్టీస్ ప్లాట్ ఫారాలు, జీసీజీసీ క్రెడిట్ కోర్సులు, నిపుణుల నేతృత్వంలోని నైపుణ్యాభివృద్ధి సెషన్లు, కోక్యూబ్స్, సీటీ3 అసెస్ మెంట్లు, హ్యాకథాన్ల ద్వారా విద్యార్థులను పరిశ్రమకు సిద్ధం చేయడంపై దృష్టి సారిస్తుందని డాక్టర్ రోజీనా తెలియజేశారు.
కెరీర్ కౌన్సెలింగ్, మెంటరింగ్ (సీసీఎం) విభాగం, విద్యార్థులు సరైన నిర్ణయాలు తీసుకోవడంలో సహాయ పడటానికి అధ్యాపకులు, నిపుణుల మార్గదర్శకత్వం, కెరీర్ కౌన్సెలింగ్, బలాలు, ఆసక్తులను గుర్తించడం, వ్యక్తిగతీకరించిన కెరీర్ ప్రణాళికను అందిస్తుందన్నారు.
ప్రత్యామ్నాయ కెరీర్ సేవలు (ఏసీఎస్) విభాగం, విద్యార్థులకు సంప్రదాయ ప్రాంగణ నియామకాలకు మించిన మార్గాల వైపు మార్గనిర్దేశం చేస్తుందని తెలిపారు. వీటిలో విదేశీ విద్య, క్యాట్, గేట్, ఐఐటీ జామ్, జీపాట్, సీఎస్ఐఆర్ నీట్ వంటి పోటీ పరీక్షలు, యూపీఎస్సీ సివిల్ సర్వీసెస్, ఇతర ప్రభుత్వ ఉద్యోగాలు, రక్షణ రంగ ఉద్యోగాలు వంటివి ఉన్నాయని డాక్టర్ రోజీనా పేర్కొన్నారు.
ప్రతి విభాగానికి కేంద్ర సమన్వయకర్తలను నియమించామని, అసిస్టెంట్ డైరెక్టర్లుగా ఆర్. సంపత్ కుమార్, ఎ.ఎస్. పద్మజ, అసిస్టెంట్ మేనేజర్ గా జి. విష్ణుప్రియలు శిక్షణ, సామర్థ్య అభివృద్ధి కార్యకలాపాలను సమన్వయం చేస్తారని తెలిపారు. డిప్యూటీ డైరెక్టర్ గా ప్రొఫెసర్ పి.సరిత, డిప్యూటీ మేనేజర్ గా రంజనా ఫెర్నాండో కెరీర్ కౌన్సెలింగ్, మెంటరింగ్ విభాగానికి నాయకత్వం వహిస్తారన్నారు.
డిప్యూటీ డైరెక్టరుగా డాక్టర్ బి. రవికాంత్ ప్రత్యామ్నాయ కెరీర్ సేవలు విభాగానికి అధిపతిగా ఉంటారని తెలిపారు. విద్యార్థులు సరైన సహాయాన్ని సులభంగా పొందేందుకు, విశ్వవిద్యాలయ మూడు ప్రాంగణాలలో క్యాంపస్-స్థాయి సంప్రదింపు వ్యక్తులను కూడా నియమించామని, వీరు కేంద్ర బృందంతో కలిసి పనిచేస్తారని డాక్టర్ రోజీనా వివరించారు.
ప్రతి విద్యార్థికి అందుబాటులో ఉండే, వ్యక్తిగతీకరించిన, సమగ్రమైన కెరీర్ మద్దతును అందించాలనే తమ నిబద్ధతను ఈ కార్యక్రమం ప్రతిబింబిస్తుందని టీఎంసీజీ డైరెక్టర్ డాక్టర్ రోజీనా మాథ్యూ పేర్కొన్నారు.
