Chintalamanepally: రవీంద్రనగర్-1లో పారిశుధ్య పనుల పరిశీలన

కొమురం భీం ఆసిఫాబాద్ జిల్లా: చింతలమానేపల్లి మండలం రవీంద్రనగర్-1 గ్రామ పంచాయతీలో నూతనంగా ప్రారంభించిన పారిశుధ్య పనులను ఎంపిడిఓ సత్యనారాయణ మరియు అధికారులు పరిశీలించారు. రవీంద్రనగర్-1 గ్రామ పంచాయతీలో నూతనంగా ప్రారంభమైన అభివృద్ధి పనులను అధికారులు క్షేత్రస్థాయిలో పరిశీలించారు.

గ్రామంలో నిర్మిస్తున్న కమ్యూనిటీ శానిటేషన్ కాంప్లెక్స్ (CSC) మరియు వ్యక్తిగత మ్యాజిక్ సోక్ పిట్స్ పనులను APO, సర్పంచ్, EC, పంచాయతీ కార్యదర్శి, FA మరియు వార్డు సభ్యులతో కలిసి పరిశీలించారు.

ఈ సందర్భంగా గ్రామాన్ని బహిరంగ మలవిసర్జన రహితంగా, పరిశుభ్ర గ్రామంగా తీర్చిదిద్దేందుకు ఈ పనులు చేపట్టామని అధికారులు అన్నారు. CSC నిర్మాణ నాణ్యత విషయంలో రాజీ పడవద్దని, మ్యాజిక్ సోక్ పిట్స్ వల్ల మురుగు నీటి సమస్య తొలగిపోయి, భూగర్భ జలాలు పెరుగుతాయని తెలిపారు.

పనులను త్వరితగతిన పూర్తి చేయాలని సూచించారు. ఈ కార్యక్రమంలో సర్పంచ్, వార్డు సభ్యులు, గ్రామస్తులు పాల్గొన్నారు.