Devarakadra: అడ్డాకుల మండల కేంద్రంలో నూతన పంచాయతీ భవనం ప్రారంభం!

Devarakadra: దేవరకద్ర నియోజకవర్గం అడ్డాకుల మండల కేంద్రంలో గురువారం నూతన గ్రామపంచాయతీ కార్యాలయ భవనాన్ని ఎమ్మెల్యే జి. మధుసూదన్ రెడ్డి (GMR) ప్రారంభించారు.

B. KISHORE KUMAR, KOTTHAKOTA
Published on: 19 Nov 2026 4:46 PM IST
Devarakadra
X

Devarakadra: అడ్డాకుల మండల కేంద్రంలో నూతన పంచాయతీ భవనం ప్రారంభం!

దేవరకద్ర: అడ్డాకుల మండల కేంద్రంలో నూతనంగా నిర్మించిన గ్రామపంచాయతీ కార్యాలయ భవనాన్ని దేవరకద్ర ఎమ్మెల్యే శ్రీ జి. మధుసూదన్ రెడ్డి (GMR) గారు ప్రారంభించారు. ఈ సందర్భంగా ఎమ్మెల్యే గారు కార్యాలయాన్ని ప్రారంభించి, భవనంలోని వివిధ గదులు, సౌకర్యాలను పరిశీలించారు.

అనంతరం ఎమ్మెల్యే గారు మాట్లాడుతూ.. గ్రామాల అభివృద్ధికి గ్రామపంచాయతీలు కీలకమని, ప్రజలకు అవసరమైన ప్రభుత్వ సేవలు గ్రామస్థాయిలోనే అందుబాటులో ఉండేలా మౌలిక సదుపాయాలను కల్పించడం ప్రభుత్వ లక్ష్యమని పేర్కొన్నారు.

గ్రామపంచాయతీ కార్యాలయం ప్రజలకు, ప్రజాప్రతినిధులకు మరియు అధికారులకు మధ్య సమన్వయ వేదికగా నిలవాలని అన్నారు.

నూతన కార్యాలయం అందుబాటులోకి రావడంతో గ్రామపంచాయతీ పరిపాలనా కార్యకలాపాలకు మరింత సౌకర్యం కలుగుతుందని, గ్రామ ప్రజలు తమ సమస్యలను నేరుగా అధికారుల దృష్టికి తీసుకువచ్చి పరిష్కారం పొందేందుకు అవకాశం ఉంటుందని తెలిపారు.

ఈ కార్యక్రమంలో స్థానిక ప్రజాప్రతినిధులు, అధికారులు, కాంగ్రెస్ పార్టీ నాయకులు, కార్యకర్తలు మరియు గ్రామస్తులు పాల్గొన్నారు.

B. KISHORE KUMAR, KOTTHAKOTA

B. KISHORE KUMAR, KOTTHAKOTA