Kalwakurthy: మార్చాల గ్రామంలో 71 నూతన పింఛన్లు మంజూరు

కల్వకుర్తి: నాగర్ కర్నూల్ జిల్లా కల్వకుర్తి మండలం మార్చాల గ్రామంలోని అర్హులైన పేదలకు 71 నూతన చేయూత పింఛన్లు మంజూరు కావడంతో గ్రామ కాంగ్రెస్ పార్టీ నాయకులు, కార్యకర్తలు హర్షం వ్యక్తం చేశారు. ఈ సందర్భంగా ముఖ్యమంత్రి రేవంత్ రెడ్డి, కల్వకుర్తి ఎమ్మెల్యే కసిరెడ్డి నారాయణరెడ్డిలకు కృతజ్ఞతలు తెలుపుతూ వారి చిత్రపటాలకు పాలాభిషేకం నిర్వహించారు.

ఈ కార్యక్రమంలో మార్చాల గ్రామ కాంగ్రెస్ పార్టీ నాయకులు, కార్యకర్తలు, అభిమానులు, గ్రామ ప్రజలు పెద్ద సంఖ్యలో పాల్గొన్నారు. అర్హులైన పేదలకు సంక్షేమ పథకాల ఫలాలు అందించడం పట్ల వారు ముఖ్యమంత్రికి, ఎమ్మెల్యేకు మరోసారి ధన్యవాదాలు తెలిపారు.