Markapur: బేస్తవారిపేటలో ఉద్రిక్తత: పిల్లనిచ్చిన మామపై అల్లుడు దాడి!

Markapur:మార్కాపురం జిల్లా, బెస్తవారిపేట మండల కేంద్రంలో పిల్లనిచ్చిన మామ పై అల్లుడు దాడి చేసి తీవ్రంగా గాయపరిచాడు. బేస్తవారిపేట కు చెందిన సల్మాన్ ఖాన్, నంద్యాలకు చెందిన జమాల్ భాషాకు తన కూతురిని ఇచ్చి 5 సంవత్సరాల క్రితం వివాహం చేశాడు.

భార్యా భర్తల విభేదాలతో జమల్ భాష భార్య బేస్తవారిపేటలోని తన తండ్రి వద్దనే ఉంటుంది. శనివారం రాత్రి మామ ఇంటికి వచ్చిన జమాల్ భాష భార్యను పంపాలని మామతో వాగ్వాదానికి దిగాడు.

ఆ క్రమంలో మామ పై చేతికి దొరికిన వస్తువుతో దాడి చేశాడు. తీవ్రంగా గాయపడ్డ సల్మాన్ ఖాన్ ను కుటుంబ సభ్యులు కంభం ప్రభుత్వ ఆసుపత్రికి తరలించారు. జరిగిన ఘటనపై స్థానిక పోలీసులు కేసు నమోదు చేసి దర్యాప్తు చేస్తున్నారు.