Kodumuru: కోడుమూరు మండల ఉద్యోగులకు పోస్టల్ బ్యాలెట్ సదుపాయం!

Kodumuru: కర్నూలు జిల్లా ఎంపీటీసీ, జడ్పీటీసీ ఎన్నికల విధులకు నియమితులైన కోడుమూరు మండల ఓటర్లకు పోస్టల్ బ్యాలెట్ ద్వారా ఓటు వేసే అవకాశం కల్పించినట్లు MPDO రాముడు తెలిపారు. కోడుమూరు మండల పరిధిలో ఓటు హక్కు కలిగి ఉండి, ఎన్నికల విధుల్లో భాగంగా ఏపీఓ (APO), పీఓ (PO), ఓపీఓ (OPO)లుగా విధులు నిర్వహిస్తున్న ఉద్యోగులు ఈ అవకాశాన్ని వినియోగించుకోవాలని కోరారు.

ఈ మేరకు నవంబర్ 3వ తేదీ మంగళవారం ఉదయం 10:30 గంటల నుంచి సాయంత్రం 5 గంటల వరకు కోడుమూరు ఎంపీడీవో కార్యాలయంలో పోస్టల్ బ్యాలెట్ ఓటింగ్ సదుపాయం ఏర్పాటు చేసినట్లు వెల్లడించారు. అర్హులైన ఉద్యోగులందరూ నిర్ణీత సమయంలో ఎంపీడీవో కార్యాలయానికి చేరుకుని పోస్టల్ బ్యాలెట్ ద్వారా తమ ఓటు హక్కును వినియోగించుకోవాలని అధికారులు సూచించారు.