Nandyal: నంద్యాల రైతులందరూ వెంటనే ఈ-కేవైసీ పూర్తి చేసుకోండి

నంద్యాల: నంద్యాల మండలంలో ఈ-పంట నమోదు చేసుకున్న రైతులందరూ వెంటనే ఈ-కేవైసీ ప్రక్రియను పూర్తి చేసుకోవాలని మండల వ్యవసాయ అధికారి ప్రసాదరావు సూచించారు. ఈ-కేవైసీ పూర్తి చేసుకోవడం ద్వారా ప్రభుత్వ పథకాల ప్రయోజనాలను పొందవచ్చని తెలిపారు. మునగాల, రాయమాలుపురం, పులిమద్ది గ్రామాల్లో ఈ-పంట నమోదు, ఈ-కేవైసీ ప్రక్రియను ఆయన పరిశీలించారు.

నంద్యాల మండలంలోని మునగాల, రాయమాలుపురం, పులిమద్ది గ్రామాల్లో ఈ-పంట నమోదు, ఈ-కేవైసీ ప్రక్రియను మండల వ్యవసాయ అధికారి ప్రసాదరావు పరిశీలించారు. ఈ సందర్భంగా మండలంలో పంట నమోదు ప్రక్రియ పూర్తయిందని వెల్లడించారు.

పంట నమోదు చేసుకున్న రైతులందరూ తమకు సంబంధించిన రైతు సేవా కేంద్రాలను సంప్రదించి, అక్కడి సిబ్బంది సహకారంతో వెంటనే ఈ-కేవైసీ పూర్తి చేసుకోవాలని సూచించారు.

ఈ-కేవైసీ పూర్తిచేసుకోవడం ద్వారా ప్రభుత్వ మార్గదర్శకాలకు అనుగుణంగా పంటల బీమా, ఇన్‌పుట్ సబ్సిడీ, పంట నష్టపరిహారం, పంటల కొనుగోలు వంటి పథకాల ప్రయోజనాలు పొందేందుకు అవకాశం ఉంటుందని తెలిపారు.

కావున నంద్యాల మండలంలోని రైతులందరూ ఈ విషయాన్ని గమనించి, ఆలస్యం చేయకుండా ఈ-కేవైసీ ప్రక్రియను పూర్తి చేసుకోవాలని మండల వ్యవసాయ అధికారి ప్రసాదరావు కోరారు. రైతులు తమ రైతు సేవా కేంద్రాలను సంప్రదించి ఈ-కేవైసీ పూర్తి చేసుకోవాలని వ్యవసాయ శాఖ అధికారులు సూచిస్తున్నారు.