Nandyal: డోన్ ఎన్నికలు: NOC ల జారీలో అధికారుల నిర్లక్ష్యం!

Nandyal: డోన్ మున్సిపల్ ఎన్నికల నామినేషన్ల ప్రక్రియలో అధికారుల తీరుపై అభ్యర్థులు అసహనం వ్యక్తం చేస్తున్నారు. నామినేషన్లు దాఖలు చేసేందుకు వచ్చిన అభ్యర్థులకు అవసరమైన ఎన్‌ఓసీ (NOC) సర్టిఫికెట్లు జారీ చేయకపోవడంతో ఇబ్బందులు ఎదురవుతున్నాయని ఆరోపిస్తున్నారు. ఎన్‌ఓసీ సర్టిఫికెట్లు ఇంకా సిద్ధం కాలేదని ఆర్డీఓ, మున్సిపల్ కమిషనర్ అధికారులు సమాధానం చెబుతున్నట్లు అభ్యర్థులు పేర్కొంటున్నారు.

నామినేషన్ల ప్రక్రియ కొనసాగుతున్న సమయంలో అవసరమైన ధ్రువపత్రాలు అందుబాటులో లేకపోవడంపై ఆందోళన వ్యక్తం చేస్తున్నారు. అధికారులు వెంటనే స్పందించి ఎన్‌ఓసీ సర్టిఫికెట్లు జారీ చేయాలని, నామినేషన్ల ప్రక్రియలో ఎలాంటి ఇబ్బందులు లేకుండా చర్యలు తీసుకోవాలని అభ్యర్థులు కోరుతున్నారు.