Penamaluru: అర్హులకు ప్రధానమంత్రి ఆవాస్ యోజన పత్రాల అందజేత

పెనమలూరు: ప్రధానమంత్రి ఆవాస్ యోజన–2.0 పథకం ద్వారా అర్హులైన ప్రతి కుటుంబానికి పక్కా ఇల్లు అందించడమే లక్ష్యమని పెనమలూరు ఎమ్మెల్యే శ్రీ బోడే ప్రసాద్ గారు తెలిపారు. పోరంకి నియోజకవర్గ కార్యాలయంలో తాడిగడప మున్సిపాలిటీ, పెనమలూరు మండలానికి చెందిన అర్హులైన లబ్ధిదారులకు పక్కా గృహాల మంజూరు పత్రాలను ఎమ్మెల్యే అందజేశారు.

తాడిగడప మున్సిపాలిటీలో 218 ఇళ్లు, పెనమలూరు మండలంలో 74 ఇళ్లు మంజూరయ్యాయని తెలిపారు. PMAY-U 2.0 కింద కేంద్రం నుంచి రూ.1.50 లక్షలు, రాష్ట్రం నుంచి కనీసం రూ.1 లక్ష సహాయం అందుతుంది.

వచ్చే నెలలో మరికొంతమంది అర్హులైన లబ్ధిదారులకు కూడా మంజూరు పత్రాలు అందించేందుకు చర్యలు తీసుకుంటున్నట్లు తెలిపారు. అనంతరం పార్టీ నాయకులు, కార్యకర్తలతో సమావేశం నిర్వహించి రానున్న సార్వత్రిక ఎన్నికలపై సమీక్షించారు. ఈ కార్యక్రమంలో కూటమి నాయకులు, కార్యకర్తలు, అధికారులు, లబ్ధిదారులు పాల్గొన్నారు.