Kothagudem: కొత్తగూడెంలో నల్ల బ్యాడ్జీలతో ఎఫ్‌ఎంజీ వైద్యుల ఆందోళన!

Kothagudem: విదేశాల్లో MBBS పూర్తి చేసి, FMGE అనే తప్పనిసరి లైసెన్సింగ్ పరీక్షలో ఉత్తీర్ణత సాధించిన అనంతరం ప్రస్తుతం తెలంగాణ ప్రభుత్వ ఆసుపత్రుల్లో CRMI ఇంటర్న్‌షిప్ చేస్తున్నామని, ఇతర ఇంటర్న్‌లతో సమానంగా OPD, వార్డులు, క్యాజువాలిటీ/ఎమర్జెన్సీ విధులు నిర్వహిస్తున్నట్లు తెలిపారు.

మా ప్రధాన డిమాండ్ స్టైఫండ్ సమానత్వం. వర్తించే NMC మార్గదర్శకాలు మరియు సంబంధిత ఉత్తర్వుల ప్రకారం, IMG ఇంటర్న్‌లతో సమానంగా ₹29,792 నెలవారీ స్టైఫండ్, అలాగే అర్హత ఉన్న కాలానికి సంబంధించిన బకాయిలు చెల్లించాలని కోరుతున్నారు.

అయితే చాలామంది FMG ఇంటర్న్‌లకు స్టైఫండ్ రావడం లేదు, కొంతమందికి కేవలం ₹5,000 నెలకు మాత్రమే అందుతోందని ఆవేదన వ్యక్తం చేశారు. ఈ సమస్యపై 2026 సెప్టెంబర్ 23న DME తెలంగాణకు వినతిపత్రం మరియు Supporting Documents సమర్పించామన్నారు.

అయినప్పటికీ ఇప్పటివరకు సంతృప్తికరమైన లిఖితపూర్వక పరిష్కారం లభించలేదు. అందువల్ల మేము శాంతియుతంగా మరియు నిబంధనలకు లోబడి మా సమస్యను అధికారుల దృష్టికి తీసుకెళ్తున్నాము. ప్రభుత్వం వెంటనే స్పందించి మా సమస్యను పరిష్కరించకపోతే ఈ నెల 14వ తేదీ నుంచి DME వద్ద శాంతియుత నిరసన చేపట్టాలని నిర్ణయించినట్లు తెలిపారు.

DME, ఆరోగ్య శాఖ మరియు తెలంగాణ ప్రభుత్వం ఈ సమస్యను అత్యవసరంగా పరిష్కరించి, FMG ఇంటర్న్‌లకు సమానమైన స్టైఫండ్ అమలు చేయాలని డిమాండ్ చేస్తున్నారు. ఈ కార్యక్రమంలో ఎఫ్ఎంజి డాక్టర్స్ కుందన్, శిరీష, శ్వేత మౌర్య, జనిత, హారిక ,జ్యోతి, ప్రవీణ్, భాను, సునంద పాల్గొన్నారు.