Khammam: ఖమ్మం ఏసీపీ, ఆర్‌అండ్‌బీ అధికారుల సంయుక్త తనిఖీ!

ఖమ్మం: ఖమ్మం టౌన్ ఏసీపీ రమణమూర్తి , ఖమ్మం ట్రాఫిక్ ఇన్స్పెక్టర్ శివప్రసాద్ , ఆర్‌అండ్‌బీ అధికారులు కలిసి రఘునాథపాలెం మండలం కోయచలక గ్రామ శివారులోని కోయచలక–రఘునాథపాలెం రహదారిపై జరిగిన ఫాటల్ రోడ్డు ప్రమాద స్థలాన్ని సందర్శించి క్షేత్రస్థాయిలో పరిశీలించారు.

ప్రమాదానికి దారితీసిన పరిస్థితులు, రహదారి నిర్మాణం, మలుపులు, ప్రమాదకర ప్రాంతాలు, వాహనాల రాకపోకలు తదితర అంశాలను అధికారులు పరిశీలించారు. భవిష్యత్తులో ఇలాంటి ప్రమాదాలు పునరావృతం కాకుండా అవసరమైన రోడ్డు భద్రతా చర్యలు చేపట్టాలాని సంబంధిత అధికారులకు సూచించారు.

రహదారి భద్రతకు సంబంధించిన సమస్యలను గుర్తించి, అవసరమైన చోట హెచ్చరిక బోర్డులు, రోడ్ మార్కింగ్స్, లైటింగ్ తదితర చర్యలు చేపట్టేలా సమన్వయంతో పనిచేయాలని సూచించారు.