Ashwaraopeta: విద్యుత్ శాఖ డివిజన్ ఆఫీస్ స్థల పరిశీలన!
Ashwaraopeta: అశ్వారావుపేటలో నూతన విద్యుత్ శాఖ డివిజన్ కార్యాలయ స్థలాన్ని ఎమ్మెల్యే జారె ఆదినారాయణ, TGNPDCL సీఎండీ కర్నాటి వరుణ్ రెడ్డి పరిశీలించారు.
Ashwaraopeta: విద్యుత్ శాఖ డివిజన్ ఆఫీస్ స్థల పరిశీలన!
అశ్వారావుపేట: భద్రాద్రి కొత్తగూడెం జిల్లా అశ్వారావుపేట మున్సిపాలిటీ పరిధిలో నూతనంగా నిర్మించనున్న విద్యుత్ శాఖ డివిజన్ కార్యాలయ స్థలాన్ని అశ్వారావుపేట శాసనసభ్యులు జారె ఆదినారాయణ, టీజీఎన్‌పీడీసీఎల్ వరంగల్ సీఎండీ కర్నాటి వరుణ్ రెడ్డి ఐఏఎస్, మున్సిపల్ వైస్ చైర్మన్ జూపల్లి రమేష్ బాబు కలిసి పరిశీలించారు.
ఈ సందర్భంగా నూతన డివిజన్ కార్యాలయ నిర్మాణానికి సంబంధించి ప్రతిపాదిత స్థలాన్ని పరిశీలించి, కార్యాలయ ఏర్పాటుకు సంబంధించిన అంశాలను పరిశీలించారు. అశ్వారావుపేట ప్రాంతంలో విద్యుత్ శాఖ పరిపాలనా కార్యకలాపాలకు అవసరమైన కార్యాలయ వసతుల కల్పనలో భాగంగా ఈ స్థల పరిశీలన చేపట్టారు.
అనంతరం టీజీఎన్‌పీడీసీఎల్ సీఎండీ కర్నాటి వరుణ్ రెడ్డి ఐఏఎస్‌కు ఎమ్మెల్యే జారె ఆదినారాయణ పుష్పగుచ్ఛం అందజేసి, శాలువాతో ఘనంగా సత్కరించారు.
ఈ కార్యక్రమంలో విద్యుత్ శాఖ డివిజన్ కార్యాలయ నిర్మాణానికి సంబంధించిన స్థల పరిశీలనలో ఎమ్మెల్యే జారె ఆదినారాయణ, సీఎండీ కర్నాటి వరుణ్ రెడ్డి ఐఏఎస్, మున్సిపల్ వైస్ చైర్మన్ జూపల్లి రమేష్ బాబు పాల్గొన్నారు.
