Vemulawada: వేములవాడ మున్సిపల్ సాధారణ సమావేశంలో బీజేపీ, బీఆర్ఎస్ నిరసన!

Vemulawada: రాజన్న సిరిసిల్ల జిల్లా వేములవాడ మున్సిపాలిటీ సాధారణ సమావేశం బీజేపీ, బీఆర్ఎస్ కౌన్సిలర్ల నిరసనలతో వేడెక్కింది. సమావేశ ఎజెండాలోని 18వ అంశాన్ని అధికారులు తొలగించడంపై ఇరు పార్టీల కౌన్సిలర్లు తీవ్ర అభ్యంతరం వ్యక్తం చేశారు.

దేవాలయ అధికారులు మున్సిపల్ రోడ్లను ఆక్రమించి అక్రమ కట్టడాలు చేపడుతున్నారని బీజేపీ కౌన్సిలర్లు ఆరోపించారు. వెంటనే ఆక్రమణలను తొలగించి మున్సిపాలిటీకి రావాల్సిన ఆదాయాన్ని సమకూర్చాలని డిమాండ్ చేశారు.

ఆక్రమణలు తొలగించకపోతే ఆమరణ నిరాహార దీక్షకు దిగుతామని హెచ్చరించారు. మున్సిపాలిటీకి రెండు కోట్ల రూపాయల ఆదాయం సమకూరే వరకు తమ పోరాటం కొనసాగిస్తామని స్పష్టం చేశారు.