Peddapalli: పెగడపల్లి రైతు వేదికలో 'కేతి బచావో అభియాన్' అవగాహన సదస్సు!

Peddapalli: పెద్దపల్లి జిల్లా కాల్వ శ్రీరాంపూర్ మండల పరిధిలోని పెగడపల్లి రైతు వేదికలో ఎల్నినో ప్రభావం, యాసంగి పంటల సాగు, పంట మార్పిడి, పంట అవశేషాలను తగలబెట్టడం వల్ల కలిగే నష్టాలు మరియు 'కేతి బచావో అభియాన్' అంశాలపై రైతులకు సగ్రంగా అవగాహన సదస్సు నిర్వహించారు.

​ఈ కార్యక్రమానికి మండల వ్యవసాయ అధికారి టీ. సంధ్య ముఖ్య అతిథిగా హాజరై రైతులకు పలు కీలక సూచనలు చేశారు.

​ఆరుతడి పంటల సాగు: రాబోయే యాసంగి సీజన్‌లో నీటి లభ్యత తక్కువగా ఉండే అవకాశం ఉన్నందున, రైతులు సాంప్రదాయ వరి పంటకు ప్రత్యామ్నాయంగా ఆరుతడి పంటలను సాగు చేసి ఎల్నినో ప్రభావాన్ని అధిగమించాలని పిలుపునిచ్చారు.

​పంట అవశేషాల దహనంతో నష్టాలు: పొలాల్లో మిగిలిన పంట వ్యర్థాలను తగలబెట్టడం వల్ల నేలలో పంటకు మేలు చేసే మిత్ర పురుగులు, ఉపయోగకరమైన సూక్ష్మజీవులు చనిపోయి భూసారం తీవ్రంగా దెబ్బతింటుందని హెచ్చరించారు.

​కేతి బచావో అభియాన్: 'కేతి బచావో అభియాన్' కార్యక్రమంలో భాగంగా నేల సంరక్షణ, సుస్థిర వ్యవసాయ పద్ధతులు మరియు సమతుల్య ఎరువుల వాడకంపై రైతుల్లో చైతన్యం తెస్తున్నట్లు పేర్కొన్నారు.

​భూసార కార్డుల అందజేత: రైతుల పొలాల నుండి సేకరించిన మట్టి నమూనాల విశ్లేషణ పూర్తయిన సందర్భంగా, ఆయా భూసార పరీక్ష కార్డులను రైతులకు ఈ వేదికపై పంపిణీ చేశారు.

​ఈ అవగాహన కార్యక్రమంలో మండల వ్యవసాయ అధికారిణి టీ. సంధ్యతో పాటు పెగడపల్లి ఉప సర్పంచ్ పత్తి శ్రీనివాస్ రెడ్డి, గ్రామ కార్యదర్శి శ్రీనివాస్, వ్యవసాయ విస్తరణాధికారి (AEO) సతీష్ మరియు స్థానిక రైతులు పెద్ద సంఖ్యలో పాల్గొన్నారు.