Sircilla: భూముల రీ సర్వేలో నిర్లక్ష్యం.. సర్వేయర్ లైసెన్స్ రద్దు

రాజన్న సిరిసిల్ల జిల్లా: రాష్ట్ర ప్రభుత్వం ప్రతిష్టాత్మకంగా చేపడుతున్న భూముల రీ సర్వే ప్రక్రియలో విధుల పట్ల నిర్లక్ష్యం వహించిన లైసెన్సుడ్ సర్వేయర్‌పై జిల్లా కలెక్టర్ గరిమ అగ్రవాల్ చర్యలు తీసుకున్నారు. గంభీరావుపేట మండలం కుర్దులింగంపల్లి గ్రామంలో రీ సర్వే విధులకు గైర్హాజరవుతున్న లైసెన్సుడ్ సర్వేయర్ ఎం. బాలకృష్ణ లైసెన్స్‌ను సస్పెండ్ చేస్తూ ఆదివారం ఉత్తర్వులు జారీ చేశారు.

రాష్ట్ర ప్రభుత్వం భూముల రీ సర్వే ప్రక్రియను ప్రతిష్టాత్మకంగా చేపడుతోంది. ఇందులో భాగంగా మొదటి దశలో రాజన్న సిరిసిల్ల జిల్లాలోని 70 గ్రామాల్లో రీ సర్వే నిర్వహించాలని నిర్ణయించింది. ప్రభుత్వం నిర్దేశించిన షెడ్యూల్ ప్రకారం ఆయా గ్రామాల్లో రెవెన్యూ అధికారులు, మండల సర్వేయర్లతో పాటు ప్రభుత్వ ఆమోదం పొందిన లైసెన్సుడ్ సర్వేయర్లు రీ సర్వే ప్రక్రియలో పాల్గొంటున్నారు.

గంభీరావుపేట మండలం కుర్దులింగంపల్లి గ్రామంలో భూముల రీ సర్వే కోసం లైసెన్సుడ్ సర్వేయర్ ఎం. బాలకృష్ణకు విధులు కేటాయించారు. అయితే, గత కొన్ని రోజులుగా ఆయన విధుల పట్ల నిర్లక్ష్యంగా వ్యవహరిస్తూ రీ సర్వే ప్రక్రియలో పాల్గొనకుండా గైర్హాజరవుతున్నట్లు అధికారులు గుర్తించారు. ఈ నేపథ్యంలో జిల్లా కలెక్టర్ గరిమ అగ్రవాల్ ఆయన లైసెన్స్‌ను సస్పెండ్ చేస్తూ చర్యలు తీసుకున్నారు.

ప్రభుత్వం ప్రతిష్టాత్మకంగా చేపడుతున్న భూముల రీ సర్వే ప్రక్రియలో భాగస్వాములైన అధికారులు, సిబ్బంది అందరూ బాధ్యతాయుతంగా విధులు నిర్వర్తించాలని కలెక్టర్ సూచించారు. విధుల పట్ల నిర్లక్ష్యం వహిస్తే చర్యలు తప్పవని స్పష్టం చేశారు.