Karimnagar: శాతవాహన వర్సిటీ ఫుట్‌బాల్, టేక్వాండో జట్ల ఎంపికలు

Karimnagar: కరీంనగర్ అంబేద్కర్ స్టేడియంలో శాతవాహన విశ్వవిద్యాలయ అంతర్‌ కళాశాలల ఫుట్‌బాల్, టేక్వాండో జట్ల ఎంపిక పోటీలు ఘనంగా నిర్వహించారు.

G. SUDHAKAR, KARIMNAGAR
Published on: 17 Nov 2026 9:26 PM IST
Karimnagar
X

Karimnagar: శాతవాహన వర్సిటీ ఫుట్‌బాల్, టేక్వాండో జట్ల ఎంపికలు

కరీంనగర్: కరీంనగర్ లోని డాక్టర్ బి.ఆర్. అంబేద్కర్ స్టేడియంలో శాతవాహన విశ్వవిద్యాలయ అంతర్‌కళాశాలల ఫుట్‌బాల్ మరియు ఆల్ ఇండియా టేక్వాండో జట్టు ఎంపికల పోటీలను ఘనంగా నిర్వహించారు. ఈ కార్యక్రమానికి ముఖ్య అతిథిగా విచ్చేసిన శాతవాహన విశ్వవిద్యాలయ స్పోర్ట్స్ సెక్రటరీ డాక్టర్ నజిముద్దీన్ మున్వర్ ఎంపికలను ప్రారంభించారు.

ఈ సందర్భంగా క్రీడాకారులను ఉద్దేశించి మాట్లాడుతూ విద్యార్థులకు క్రీడలు మానసిక దృఢత్వాన్ని, క్రమశిక్షణను, సమష్టితత్వాన్ని, నాయకత్వ లక్షణాలను పెంపొందించడంలో ఎంతగానో దోహదపడతాయని తెలిపారు. క్రీడాకారులు ఉత్సాహంతో పాల్గొని, అత్యుత్తమ ప్రతిభ కనబరిచి శాతవాహన విశ్వవిద్యాలయానికి జాతీయ స్థాయిలో పేరు ప్రఖ్యాతలు తీసుకురావాలని ఆకాంక్షించారు.

ఈ ఎంపిక పోటీలలో వివిధ కళాశాలల క్రీడాకారులు పాల్గొనగా, విశ్వవిద్యాలయ పీడీ విజయకుమార్, వ్యాయామ అధికారులు శ్రీధర్ రావు, దినేష్, ప్రవీణ్ కుమార్, రషీద్,సంపత్, క్రీడా నిర్వాహకులు ప్రతిభావంతులైన క్రీడాకారులను విశ్వవిద్యాలయ జట్ల కోసం ఎంపిక చేశారు.

G. SUDHAKAR, KARIMNAGAR

G. SUDHAKAR, KARIMNAGAR