Jagtial: జగిత్యాల ఆర్టీసీ డిపో ఆధ్వర్యంలో అరుణాచలానికి ప్రత్యేక బస్సు

జగిత్యాల: కార్తీక మాస పర్వదినాలను పురస్కరించుకుని భక్తుల సౌకర్యార్థం జగిత్యాల ఆర్టీసీ డిపో ఆధ్వర్యంలో అరుణాచల క్షేత్రానికి ప్రత్యేక సూపర్ లగ్జరీ బస్సును ఏర్పాటు చేసినట్లు డిపో మేనేజర్ రమేష్ ఒక ప్రకటనలో తెలిపారు. ఈ నెల 22వ తేదీ (ఆదివారం) మధ్యాహ్నం 12:30 గంటలకు జగిత్యాల డిపో నుండి ఈ యాత్ర ప్రారంభమవుతుందని పేర్కొన్నారు.

యాత్ర సాగే విధానం ఇదే:

* ప్రయాణ మార్గం: జగిత్యాల నుండి కరీంనగర్, సిద్దిపేట, హైదరాబాద్ మీదుగా బస్సు ప్రయాణిస్తుంది.

* దర్శించే క్షేత్రాలు: 23వ తేదీ ఉదయం కాణిపాకం శ్రీ వరసిద్ధి వినాయక స్వామి, సాయంత్రం వెల్లూరు గోల్డెన్ టెంపుల్ దర్శనం ఉంటుంది. 24న వేకువజామున అరుణాచలం చేరుకుని, రాత్రి శ్రీ అరుణాచలేశ్వర స్వామి దర్శనానంతరం తిరుగు ప్రయాణమవుతుంది. 25న ఉదయం గద్వాల్ జోగులాంబ అమ్మవారి దర్శనం పూర్తి చేసుకుని అదే రోజు రాత్రికి జగిత్యాల చేరుకుంటుంది.

టికెట్ ధరలు & నిబంధనలు:

ఈ నాలుగు పుణ్యక్షేత్రాల సందర్శనకు గాను పెద్దలకు రూ. 4,800, పిల్లలకు రూ. 3,750 చొప్పున టికెట్ ధర నిర్ణయించారు. ఆయా ఆలయాల్లోని ప్రత్యేక దర్శన టికెట్లు, భోజన ఖర్చులను భక్తులే స్వయంగా భరించాల్సి ఉంటుందని మేనేజర్ స్పష్టం చేశారు.

రిజర్వేషన్ వివరాలు:

ఆసక్తి గల భక్తులు ముందస్తు రిజర్వేషన్ (OPRS నంబర్: 95500) చేసుకోవాలని సూచించారు. ఇతర వివరాలకు మరియు సీట్ల బుకింగ్ కోసం 9440281672, 9440521412, 9959225925, 9959262620 ఫోన్ నంబర్లను సంప్రదించాలని డిపో మేనేజర్ రమేష్ కోరారు.