Huzurabad: హుజురాబాద్ మున్సిపల్ నోటీసు బోర్డుపై ప్రైవేట్ సంస్థ ప్రకటన

హుజురాబాద్: హుజురాబాద్ మున్సిపల్ కార్యాలయంలోని నోటీసు బోర్డుపై అపోలో టైర్స్ సంస్థ ప్రకటన దర్శనమివ్వడం ఆసక్తికరంగా మారింది. ప్రజలకు ప్రభుత్వ సమాచారం, అధికారిక నోటీసులు అందించాల్సిన బోర్డుపై ప్రైవేట్ సంస్థ ప్రకటన ఉండటంపై పలు ప్రశ్నలు తలెత్తుతున్నాయి.

మున్సిపల్ కార్యాలయ నోటీసు బోర్డు ప్రైవేట్ సంస్థల ప్రచారానికి వేదికగా మారిందా? అసలు ఈ ప్రకటనకు అనుమతులు ఎవరు ఇచ్చారు? ప్రభుత్వ కార్యాలయంలో ప్రైవేట్ ప్రకటన ఏర్పాటు చేయడం వెనుక ఉద్దేశం ఏమిటి? ప్రకటన ద్వారా మున్సిపాలిటీకి ఏమైనా ఆదాయం సమకూరుతుందా? లేదా నిబంధనలకు విరుద్ధంగా ఏర్పాటు చేశారా?

ప్రజలకు సమాధానం చెప్పాల్సిన బాధ్యత అధికారులపై లేదా? ప్రభుత్వ కార్యాలయాల్లో నోటీసు బోర్డుల నిర్వహణపై పర్యవేక్షణ ఉందా? అన్న ప్రశ్నలు స్థానికంగా చర్చకు దారితీస్తున్నాయి.

ప్రజా సమాచారం కోసం ఏర్పాటు చేసిన నోటీసు బోర్డు ప్రైవేట్ ప్రచారానికి వేదికగా మారడంపై హుజురాబాద్ మున్సిపల్ అధికారులు స్పందించి స్పష్టత ఇవ్వాల్సిన అవసరం ఉంది.