Jammikunta: జమ్మికుంటలో బతుకమ్మ పూల కరువు

జమ్మికుంట: కరీంనగర్ జిల్లా జమ్మికుంట పట్టణంలో గాంధీ చౌరస్తా వద్ద బతుకమ్మ పూలు కరువు.పూలు కొనాలంటే జేబుకు చిల్లు.తెలంగాణ ఆడపడుచుల పండుగ బతుకమ్మకు పూల కొరత ఏర్పడటంతో మహిళలు ఇబ్బందులు పడుతున్నారు. బతుకమ్మను అందంగా పేర్చేందుకు అవసరమైన తంగేడు, గునుగు, బంతి, చామంతి తదితర పూలు మార్కెట్లో ఆశించిన స్థాయిలో లభించకపోవడంతో పాటు, అందుబాటులో ఉన్న పూలకు భారీ ధరలు పలుకుతున్నాయి.

పండుగ వేళ పూల కోసం మార్కెట్లకు వెళ్తున్న మహిళలకు ధరలు భారంగా మారుతున్నాయి. సంప్రదాయబద్ధంగా బతుకమ్మను పేర్చుకోవాలంటే ఎక్కువ మొత్తంలో ఖర్చు చేయాల్సిన పరిస్థితి నెలకొంది.

ప్రకృతి పూలతో బతుకమ్మనుఅలంకరించుకోవాలనే ఆడపడుచుల ఆశలకు పూల కొరత, ధరల పెరుగుదల అడ్డంకిగా మారుతున్నాయి.పూల కొరతకు కారణం ఏమిటి? ధరలు ఎందుకు పెరిగాయి? పూల ధరలను నియంత్రించేందుకు అధికారులు మల్లి వచ్చే ఏటికి చర్యలు తీసుకుంటారా? అనేది ఇప్పుడు చర్చనీయాంశంగా మారింది. పండుగ సమయంలో పూల తోటలను పెంచి, ధరలు అందుబాటులో ఉండేలా చర్యులు తీసుకోవాలి.