Vemulawada: వేములవాడ భీమేశ్వరాలయంలో వైభవంగా సామూహిక కార్తీక దీపోత్సవం!

Vemulawada: రాజన్న సిరిసిల్ల జిల్లా వేములవాడలోని ప్రముఖ శ్రీ రాజరాజేశ్వర స్వామి దేవస్థాన అనుబంధ ఆలయమైన శ్రీ భీమేశ్వర స్వామి దేవాలయంలో కార్తీక మాసాన్ని పురస్కరించుకుని సామూహిక కార్తీక దీపోత్సవ కార్యక్రమం వైభవంగా కొనసాగుతోంది. దేవాదాయ ధర్మాదాయ శాఖ ఆదేశాల మేరకు నిర్వహిస్తున్న ఈ ఉత్సవాల్లో భాగంగా రెండవ రోజు దీపోత్సవ కార్యక్రమాన్ని ఆలయ కార్యనిర్వహణాధికారి (ఈవో) శ్రీమతి రమాదేవి గారు ప్రారంభించారు.

​ఈ కార్తీక మాస పర్వదినాలు 2026 నవంబర్ 10వ తేదీ నుండి డిసెంబర్ 08వ తేదీ వరకు కొనసాగనున్నాయి. ఈ పవిత్ర మాసాన్ని పురస్కరించుకుని ప్రతి రోజూ సాయంత్రం 6:00 గంటల నుండి రాత్రి 8:00 గంటల వరకు సుహాసినుల (ముత్తైదువుల) ఆధ్వర్యంలో అత్యంత భక్తిశ్రద్ధలతో సామూహిక దీపోత్సవం నిర్వహించనున్నట్లు ఆలయ అధికారులు వెల్లడించారు.

​దీపోత్సవ కార్యక్రమంలో పాల్గొన్న సుహాసినులకు ఆలయ అర్చకులు, అధికారులు పసుపు, కుంకుమ, అక్షింతలు, గాజులు, వాయనంతో పాటు శ్రీ స్వామివారి దివ్య చిత్రపటాన్ని బహుకరించారు.

​ఈ కార్యక్రమంలో ఆలయ ఏఈఓ శ్రీమతి జయకుమారి, పర్యవేక్షకులు శ్రీనివాస్ శర్మ, శ్రీమతి రాధ, నూగురి నరేందర్, ఆలయ సిబ్బంది.