Proddatur: ప్రొద్దుటూరు మున్సిపల్ వైస్ చైర్మన్ పదవి చేనేతలకు దక్కేనా..?

Proddatur: గడిచిన మున్సిపల్ ఎన్నికల్లో ప్రొద్దుటూరు మున్సిపాలిటీలో తెలుగుదేశం పార్టీ విజయకేతనo ఎగురవేసింది. ​ప్రొద్దుటూరు మున్సిపాలిటీలో వైస్ చైర్మన్ పదవి ఎవరికి దక్కుతుందనే అంశంపై ఉత్కంఠ నెలకొంది. ఇటీవల జరిగిన స్థానిక మున్సిపల్ ఎన్నికల్లో 52 మంది కౌన్సిలర్లు 51 మంది టిడిపి 1 బిజెపి తరఫున ఏకగ్రీవాలయ్యారు.. టీడీపీ చైర్‌పర్సన్‌గా ఎమ్మెల్యే వరదరాజుల రెడ్డి సోదరుడు నంద్యాల రాఘవ రెడ్డి ఏకగ్రీవంగా విజయం సాధించారు.

​అయితే, ప్రస్తుతం అందరి దృష్టి వైస్ చైర్మన్ పదవిపైనే నిలిచింది. ఇటీవల చేనేతలకు పెద్దపీఠ వేస్తామని ఎమ్మెల్యే వరదరాజుల రెడ్డి చేసిన వ్యాఖ్యలు రాజకీయ వర్గాల్లో ప్రాధాన్యం సంతరించుకున్నాయి. ఈ ఎన్నికల్లో ఏకంగా 14 మంది చేనేత వర్గానికి చెందిన వారు కౌన్సిలర్లుగా గెలుపొందడం విశేషం. ​మొదటి నుంచి టీడీపీకి బలమైన ఓటు బ్యాంకుగా ఉన్న చేనేత వర్గానికి తగిన గుర్తింపునిచ్చేలా... వైస్ చైర్మన్ పదవి వారికే కేటాయించాలనే డిమాండ్ బలంగా వినిపిస్తోంది. ఈ నేపథ్యంలో ఆశావహులైన నేతలు ఇప్పటికే ఎమ్మెల్యేను కలిసి తమ ప్రయత్నాలు ముమ్మరం చేశారు. వైస్ చైర్మన్ పదవికి ప్రత్యేకత సంతరించుకుంది..