Duvvuru: 23వ రోజుకు చేరిన వీఆర్ఏల సమ్మె.. సహాయ నిరాకరణ ఉధృతం!

Duvvuru: తమ న్యాయమైన సమస్యలను పరిష్కరించాలని డిమాండ్ చేస్తూ దువ్వూరు మండల కేంద్రంలో గ్రామ రెవెన్యూ సహాయకులు (వీఆర్‌ఏలు) చేపట్టిన నిరసన కార్యక్రమాలు 23వ రోజుకు చేరుకున్నాయి. ఇందులో భాగంగా గురువారం వీఆర్‌ఏలు మోకాళ్లపై నిలబడి వినూత్న రీతిలో నిరసన వ్యక్తం చేశారు.

​ప్రభుత్వ నిర్లక్ష్య వైఖరికి నిరసనగా సహాయ నిరాకరణ ఉద్యమంలో పాల్గొంటూ విధులు బహిష్కరించారు. ఈ సందర్భంగా సంఘం నాయకులు మాట్లాడుతూ, సమస్యల పరిష్కారం కోసం ఇన్ని రోజులుగా శాంతియుతంగా పోరాటం చేస్తున్నా ప్రభుత్వం నుంచి ఎలాంటి స్పందన లేకపోవడం శోచనీయమన్నారు. ప్రభుత్వం వెంటనే స్పందించి తమ న్యాయమైన డిమాండ్లను నెరవేర్చాలని, లేనిపక్షంలో రాబోయే రోజుల్లో సమ్మెను మరింత ఉధృతం చేస్తామని వారు హెచ్చరించారు. ​ఈ కార్యక్రమంలో మండల పరిధిలోని వీఆర్‌ఏలు పెద్ద సంఖ్యలో పాల్గొన్నారు.