Rayachoty: సేవా కార్యక్రమాలతో నిశ్చల్ పుట్టినరోజు!

Rayachoty: రాష్ట్ర రవాణా, యువజన క్రీడల శాఖ మంత్రి మండిపల్లి రాంప్రసాద్ రెడ్డి కుమారుడు మండిపల్లి నిశ్చల్ నాగిరెడ్డి జన్మదినాన్ని పురస్కరించుకుని రాయచోటిలో సేవా కార్యక్రమాలు నిర్వహించారు. ఈ సందర్భంగా టీడీపీ మండల అధ్యక్షుడు గండికోట సుధాకర్ ఆధ్వర్యంలో రాయచోటి ప్రభుత్వ ఆసుపత్రిలో చికిత్స పొందుతున్న రోగులకు పండ్లు, బ్రెడ్లు పంపిణీ చేశారు.

ఈ సందర్భంగా ఆసుపత్రిలోని వివిధ వార్డులను సందర్శించిన గండికోట సుధాకర్ రోగుల ఆరోగ్య పరిస్థితిని అడిగి తెలుసుకున్నారు. రోగులకు పండ్లు, బ్రెడ్లు అందజేసి త్వరగా కోలుకోవాలని ఆకాంక్షించారు. జన్మదిన వేడుకలను కేవలం ఆర్భాటాలకు పరిమితం చేయకుండా పేదలు, రోగులకు సేవ చేయడం ద్వారా జరుపుకోవడం అభినందనీయమని పలువురు పేర్కొన్నారు.

అనంతరం ఆసుపత్రి పరిసరాల్లో మొక్కలు నాటారు. పర్యావరణ పరిరక్షణలో భాగంగా ప్రతి ఒక్కరూ మొక్కలు నాటి వాటిని సంరక్షించాలని గండికోట సుధాకర్ పిలుపునిచ్చారు. పచ్చదనం పెంపొందించడం ద్వారా భవిష్యత్ తరాలకు ఆరోగ్యకరమైన వాతావరణాన్ని అందించవచ్చని తెలిపారు.ఈ కార్యక్రమంలో టీడీపీ నాయకులు, కార్యకర్తలు, ఆసుపత్రి సిబ్బంది తదితరులు పాల్గొన్నారు.