Ramapuram: ఎంపీటీసీ, జడ్పీటీసీ ఎన్నికల్లో క్లీన్ స్వీప్ చేయాలి: మంత్రి!

రామాపురం: రామాపురం మండలంలోని తెలుగుదేశం పార్టీ కార్యాలయంలో పార్టీ నాయకులు, కార్యకర్తలతో సమావేశమైన మంత్రివర్యులు మండిపల్లి రాంప్రసాద్ రెడ్డి గారు, రానున్న ఎంపీటీసీ, జడ్పీటీసీ ఎన్నికల్లో పార్టీ అభ్యర్థుల విజయమే లక్ష్యంగా ప్రతి ఒక్కరూ సమన్వయంతో పనిచేయాలని దిశానిర్దేశం చేశారు.

ఈ సందర్భంగా మంత్రి మండిపల్లి రాంప్రసాద్ రెడ్డి గారు మాట్లాడుతూ, పార్టీ నాయకులు, కార్యకర్తలు సమష్టి కృషితో క్షేత్రస్థాయిలో ప్రజలకు అందుబాటులో ఉండాలని, పార్టీని మరింత బలోపేతం చేసేందుకు ఐక్యంగా ముందుకు సాగాలని సూచించారు. రానున్న ఎన్నికలను ప్రతిష్టాత్మకంగా తీసుకుని, ప్రతి స్థానంలో పార్టీ అభ్యర్థుల విజయానికి సమన్వయంతో కృషి చేయాలని పిలుపునిచ్చారు.

అలాగే నాయకులు, కార్యకర్తల మధ్య సమన్వయం, ఐక్యత ఎంతో ముఖ్యమని పేర్కొంటూ, అందరూ కలిసికట్టుగా పనిచేసి 100 శాతం స్థానాల్లో విజయం సాధించే లక్ష్యంతో ముందుకు సాగాలని దిశానిర్దేశం చేశారు.

ఈ సమావేశంలో మౌర్యా రెడ్డి గారు, మాజీ ఎమ్మెల్యే ద్వారకనాథరెడ్డి గారు, మండల అధ్యక్షులు సురేందర్ రెడ్డి గారితో పాటు తెలుగుదేశం పార్టీ నాయకులు, కార్యకర్తలు, అభిమానులు పెద్ద ఎత్తున పాల్గొన్నారు.తెలుగుదేశం పార్టీ విజయమే లక్ష్యంగా ప్రతి నాయకుడు, ప్రతి కార్యకర్త సమన్వయంతో పనిచేయాలని మంత్రి మండిపల్లి రాంప్రసాద్ రెడ్డి గారు స్పష్టం చేశారు.