Proddatur: అమృత నగర్‌లో చెత్త డంపింగ్ సమస్యకు శాశ్వత పరిష్కారం
Proddatur: ప్రొద్దుటూరు అమృత నగర్‌లో చెత్త డంపింగ్ నిలిపివేయాలని ఎమ్మెల్యే నంద్యాల వరదరాజుల రెడ్డి ఆదేశించడంతో స్థానికులు తమ నిరసన దీక్షను విరమించారు.
Proddatur: అమృత నగర్‌లో చెత్త డంపింగ్ సమస్యకు శాశ్వత పరిష్కారం
Proddatur: అమృత నగర్‌లో చెత్తను నిలువ చేయవద్దంటూ స్థానిక ప్రజలు చేపట్టిన దీక్షకు పరిష్కారం లభించింది. ప్రజల నిరసనపై ప్రొద్దుటూరు ఎమ్మెల్యే నంద్యాల వరదరాజుల రెడ్డి తక్షణమే స్పందించారు. ఇకపై ఆ ప్రాంతంలో చెత్తను వేయవద్దని సంబంధిత అధికారులకు ఆయన స్పష్టమైన ఆదేశాలు జారీ చేశారు.
ఎమ్మెల్యే ఆదేశాల మేరకు ఎంపీడీఓ మరియు కొత్తపల్లి పంచాయతీ కార్యదర్శి దీక్షా శిబిరం వద్దకు చేరుకున్నారు. అమృత నగర్ సమీపంలో ఎలాంటి చెత్తను నిలువ చేయబోమని ఎమ్మెల్యే తరఫున అధికారుల బృందం ప్రజలకు హామీ ఇచ్చారు.
అధికారుల నుంచి స్పష్టమైన హామీ లభించడంతో అమృత నగర్ వాసులు తమ దీక్షను విరమించారు. ఈ సందర్భంగా సమస్యను త్వరితగతిన పరిష్కరించిన ఎమ్మెల్యే నంద్యాల వరదరాజుల రెడ్డికి, సహకరించిన అధికారులకు గ్రామ ప్రజలు ప్రత్యేక ధన్యవాదాలు తెలియజేశారు.
