Mydukur: అవధూత కొండయ్య స్వామి జన్మదిన వేడుకలు: పోటీలు ప్రారంభం!
Mydukur: మైదుకూరు మండలం ధరణి తిమ్మాయిపల్లిలో శ్రీ అవధూత కొండయ్య స్వామి జన్మదినోత్సవ సందర్భంగా వృషభరాజముల బండలాగుడు పోటీలను మున్సిపల్ చైర్మన్ ధనపాల జగన్మోహన్ ప్రారంభించారు.
Mydukur: అవధూత కొండయ్య స్వామి జన్మదిన వేడుకలు: పోటీలు ప్రారంభం!
మైదుకూరు: ధరణి తిమ్మాయిపల్లి గ్రామంలో శ్రీ అవధూత కొండయ్య స్వామి వారి జన్మదినోత్సవాన్ని పురస్కరించుకొని వృషభరాజములతో నిర్వహిస్తున్న సంప్రదాయ బండలాగుడు పోటీలను మైదుకూరు మున్సిపల్ చైర్మన్ శ్రీ ధనపాల జగన్మోహన్ గారు ఘనంగా ప్రారంభించారు.
ఈ సందర్భంగా ఆయన మాట్లాడుతూ మన గ్రామీణ సంస్కృతి, సంప్రదాయాలు మన సమాజానికి గొప్ప వారసత్వ సంపద అని, వాటిని భావితరాలకు అందించాల్సిన బాధ్యత మనందరిపై ఉందని పేర్కొన్నారు. బండలాగుడు వంటి సంప్రదాయ క్రీడలు రైతుల జీవన విధానానికి, పశుసంపద ప్రాముఖ్యతకు ప్రతీకలని తెలిపారు.
ఇటువంటి కార్యక్రమాలు గ్రామీణ ప్రజల్లో ఐక్యతను, సోదరభావాన్ని, ఉత్సాహాన్ని పెంపొందిస్తాయని అన్నారు. శ్రీ అవధూత కొండయ్య స్వామి వారి జన్మదినోత్సవాన్ని ఇంతటి భక్తిశ్రద్ధలతో, సంప్రదాయబద్ధంగా నిర్వహించడం అభినందనీయమని పేర్కొంటూ, నిర్వాహకులకు ప్రత్యేక అభినందనలు తెలియజేశారు.
