Sambepalli: కేజీబీవీ పాఠశాలలో తీరిన నీటి సమస్య మంత్రి మండిపల్లికి కృతజ్ఞతలు!

సంబేపల్లి: సంబేపల్లి మండలం నారాయణరెడ్డిపల్లె గ్రామంలోని కస్తూర్బా గాంధీ బాలికల విద్యాలయంలో నెలకొన్న నీటి సమస్యకు పరిష్కారం లభించింది. రాష్ట్ర రవాణా, యువజన క్రీడా శాఖ మంత్రి శ్రీ మండిపల్లి రాంప్రసాద్ రెడ్డి గారి సహకారంతో పాఠశాల ప్రాంగణంలో బోరు వేయించగా, పుష్కలంగా నీరు లభించింది.

బోరు వేయడంతో నీరు అందుబాటులోకి రావడం పాఠశాల విద్యార్థినులకు, ఉపాధ్యాయులకు ఎంతో ఊరటనిచ్చింది. రోజువారీ అవసరాలకు నీటి సదుపాయం మెరుగుపడటంతో పాఠశాల వర్గాలు హర్షం వ్యక్తం చేశాయి.

విద్యార్థినులకు మెరుగైన వసతులు కల్పించడం, విద్యాసంస్థల్లో మౌలిక సదుపాయాలను బలోపేతం చేయడం, విద్యార్థులు ఎదుర్కొంటున్న సమస్యలను పరిష్కరించడం వంటి అంశాలకు ప్రాధాన్యతనిస్తూ మంత్రి మండిపల్లి రాంప్రసాద్ రెడ్డి గారు అందించిన సహకారం పట్ల పాఠశాల వర్గాలు కృతజ్ఞతలు తెలియజేశాయి.